Elimizde tómengi kúnkóris deńgeii 2,7 paiyzǵa ósken, - dep habarlaidy "Ult aqparat" QR Ulttyq ekonomika ministrliginiń baspasóz qyzmetine silteme jasap.
"Úi sharýashylyqtaryn iriktemeli zertteý derekteri boiynsha tabysy eń tómengi kúnkóris deńgeii 2017 jyldyń ekinshi toqsanynda 2,7 paiyzǵa ósip, ótken jylǵy tiisti kezeńmen salystyrǵanda 0,1 paiyzǵa joǵary boldy. Sonymen qatar, kedeilik deńgeii men aradaǵy aiyrmashylyq qala jáne aýyl halqynyń arasynda burynǵydai saqtalyp otyr", - dep habarlady baspasóz qyzmetindegiler.
Vedomstvonyń málimetinshe, 2017 jyldyń ekinshi toqsanynda Ońtústik Qazaqstanda (4,9 paiyz) jáne Jambyl (3,9 paiyz) oblystarynda kedeilik deńgeii ósken.
Sondai-aq, tutyný shyǵystarynyń deńgeii olardyń materialdyq qamtamasyz etilýine tikelei bailanysty ekeni aitylady.
"Úi sharýashylyqtarynyń shyǵystary detsildik bólý kezinde tabystar siiaqty aitarlyqtai saralanýdy kórsetedi. Sonymen, 2017 jyldyń ekinshi toqsanynda azyq-túlik taýarlaryna jumsaǵan shyǵystarda 10 paiysh eń az jáne 10 paiyz eń kóp qamtamasyz etilgen úi sharýashylyqtaryndaǵy halyqtyń arasyndaǵy aiyrmashylyq 4,2 eseni, azyq-túlik emes taýarlarǵa 7,2 eseni, al aqyly qyzmetterge 8,6 eseni qurady", - delingen ministrliktiń habarlamasynda.
