Kúni keshe eńbek jáne halyqty áleýmettik qorǵaý ministri bolyp taǵaiyndalǵan Madina Ábilqasymova qazaq tilin bilmeitin bolyp shyqty. Ol qazaqsha saýaldarǵa jaýap bere almai, tilshilerden qashyp ketti, dep habarlaidy "Ult aqparat" 31 arnanyń jańalyqtar qyzmetine silteme jasap.
Ótken aptadaǵy otyrysta prezidentten tek eskertý alyp, jyly oryndarynda qalǵannan keiin be Úkimet músheleriniń kóńil kúileri jaqsy. Qyzmetimen qoshtasqan jalǵyz shendi Tamara Dúisenovanyń ornyn basqan sý jańa ministr Mádina Ábilqasymova tipten kóńildi. Sheneýniktiń máz bolatyndai jóni bar sekildi. Premerge eks-ministr 5 jyl sheshe almai prezidentten sóz estigen jumyssyzdar máselesin az ýaqytta retteimin dep baiandady. Ol úshin zańǵa ózgeris engizip, ózin ózi belgisiz jumyspen qamtyp júrgen 3 million azamatty resmi tirkep, olarǵa memleketke salyq tóletpek.
Úkimet otyrysynda bastan aiaq oryssha sóilegen Ábilqasymova tilshilerdiń saýaldaryna memlekettik tilde jaýap bere almai qinaldy. Onyń ornyna hatshysy jaýap berip, basshysyn jetektep alyp ketti. Ministr jaqyn arada daiyndalyp, 3-4 aidyń kóleminde qazaq tilinde suhbat beretinin aityp sendirdi.
