Qundy qaǵaz naryǵynda oiynshy atanǵan jekelegen qazaqstandyqtardyń sany qansha? Bul saýalǵa búgin QR Qarjy naryǵyn retteý jáne damytý agenttiginiń baspasóz hatshysy Azamat Kenje jaýap berdi, dep habarlaidy QazAqparat.
Atalǵan agenttik uiymdastyrǵan onlain baspasóz máslihaty barysynda jýrnalister vedomstvo ókilderinen: «Qundy qaǵaz naryǵynda oiynshy atanǵan jekelegen qazaqstandyqtardyń sany qansha? Olardyń ortasha jyldyq tabysy belgili me?», - dep suraǵan edi.
Saýalǵa jaýap bergen agenttiktiń baspasóz hatshysy Azamat Kenje osy jyldyń 1 aqpanyndaǵy jaǵdai boiynsha jeke tulǵalardyń 138 myńnan astam brokerlik shoty ashylǵanyn aitady.
«Tutastai alǵanda, baǵaly qaǵazdardyń tabystylyǵy, onyń táýekel deńgeii árkelki bolyp keledi. Al olardy tańdaý baǵaly qaǵazdy ustaýshy jeke tulǵalardyń óz erkinde bolǵandyqtan investitsiialaý kiristiliginiń jalpyǵa birdei nátijesin shyǵarý ázirshe múmkin emes», - dedi ol.
