Bilim jáne ǵylym vitse-ministri Sholpan Karinova internetpen qamtylmaǵan aýyl mektepteri qaǵaz jýrnaldardy qoldana beretinin aitty, – dep habarlaidy «Ult aqparat».
Vitse-ministr Ortalyq kommýnikatsiialar qyzmetinde ótken baspasóz máslihatynda jýrnalisterdiń biri internet bolmaǵandyqtan kundelik.kz-ke kirý úshin úidiń shatyryna shyǵatynyn nemese muǵalimderdiń onlain jýrnaldy toltyrý úshin qalaǵa internet izdep keletinin aityp, osy jaiynda ministrliktiń pozitsiiasyn surady, – dep jazady Baq.kz.
«Ministrlik pozitsiiasy naqty ministrlik buiryǵynda kórsetilgen. Eger de aýyl internetpen qamtylmaǵan bolsa, ol mektepte kúndelikti jýrnaldy qaǵaz túrinde ǵana toltyrýy tiis. Búginde mektepterde birneshe elektrondyq júie bar. Bilimal, mektep.edu.kz sekildi elektrondyq jýrnaldar bar. Kóptep tanylǵany – «kúndelik» júiesi. Sondyqtan «kúndelik» týraly kóbirek aitylady. Munyń ózi elektrondyq júieniń qajet ekenin kórsetip otyr» - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Karinova internet joq jerde elektrondyq jýrnaldyń bolmaitynyn aitty.
«Ondai jerde qaǵaz jýrnal bolýy tiis. Elektrondy jýrnaldyń jaǵymdy jaǵyn aitqan da durys. Óitkeni mundai jýrnaldar arqyly ár ata-ana muǵalimmen keri bailanys arqyly balasynyń naqty nátijesin kórip otyr. Ekinshiden, muǵalimder men mekteptiń ákimshiligi naqty bilim sapasyna jaýap beretin tulǵalar bolǵandyqtan olar tolyq analizdi «kúndelik» júiesinen elektrondyq túrde kóre alady. Aýdan, oblys, Qazaqstan kóleminde de qanshalyqty bilim berilip jatyr eken, qai pánnen qandai jetistikterge jettik degenge jaýap berý úshin taldaýdy jaqsy kórsetetin qajetti júie. Sondyqtan ári qarai damytýǵa tiispiz. Muǵalimder, ata-ana, mektep úshin internet bolmasa, ol jerde elektrondyq júie de bolmaidy» - dedi ministrdiń orynbasary.
