2022 jyldyń qańtar-mamyr aralyǵynda 197,3 myń tonna kúnbaǵys maiy óndirilgen. Bul byltyrǵydan 29,6% kóp. Al tazartylmaǵan kúnbaǵys maiynyń óndirisi bir jyl burynǵy kórsetkishten 61,3% artyq bolǵan, dep habarlaidy Sputnik Qazaqstan.
"Tazartylmai satylatyn kúnbaǵys maiynyń 78%-i Shyǵys Qazaqstan óńirine tiesili. Al tazartylǵan kúnbaǵys maiynyń 22,6 myń tonnasy Shymkentte shyǵarylǵan ", – dep jazady Energyprom.kz.
Aýyl sharýashylyǵy ministrligi 31 tamyzǵa deiin kúnbaǵys maiyn Qazaqstan aýmaǵynan shyǵarýǵa shekteý qoidy. Sol arqyly sektordaǵy baǵany turaqtandyryp, tapshylyqtyń aldyn alý josparlanǵan. Maýsym-shilde ailarynda kúnbaǵys maiyn shyǵarý kvotasy 68 myń tonna bolyp bekitildi.
Otandyq óndirýshiler 2022 jyldyń aqpan-sáýir ailarynda kúnbaǵysqa degen suranysty 83,5%-ke oryndaǵan. Óndiris kólemi byltyrǵydan 16,9%-ke artyq. Óndirilgen 149,1 myń tonna maidyń 66,3 myń tonnasy syrtqa satylǵan. Bul byltyrǵydan 71,3% kóp.
Nátijesinde ishki naryqta 112,2 myń tonna kúnbaǵys maiy satyldy, bul 2021 jylǵy qańtar-sáýir ailarymen salystyrǵanda 0,6%-ke ǵana artyq. Qant naryǵyndaǵy jaǵdaimen salystyrǵanda ázirge elde kúnbaǵys maiyna qatysty daýly másele týyndaǵan joq. Elde kúnbaǵys maiynyń baǵasy qatarynan 27 ai boiy ósý dinamikasynan aýytqymai artyp keledi.
Mamyr aiynyń qorytyndysy boiynsha mai bir aida 0,8%-ke jáne bir jylda 19,4%-ke qymbattady. Sonymen qatar 2021 jyldyń mamyr aiynyń qorytyndysy boiynsha jyldyq baǵanyń ósýi qazirdiń ózinde óte pessimistik 52,2% qurady.
Óńirler arasynda bir jyl ishinde sektordaǵy eń úlken ósim bir aida:
- Jambyl (3,6%) oblysynda;
- Qaraǵandy (2,2%) oblysynda;
- Aqtóbe (1,9%) oblysynda;
- Almaty (26,4%) qalasy;
- Pavlodar (26,2%) oblysy;
- Jambyl (26,1%) oblysynda tirkeldi.
Biyl mamyr aiynda qalalarda kúnbaǵys maiynyń ortasha baǵasy litr úshin 808 teńgeni qurady.
Kúnbaǵys maiyna joǵary baǵa Atyraý (859 tg\l), Almaty (850 tg\l) jáne Aktaýda (841 tg\l) tirkeldi. Al eń tómen baǵa – Semei (714 tg\l), Petropavl (728 tg\l) jáne Óskemende (737 tg\l).
