Foto: ashyq derekkóz
Almaty qalasynda internet-alaiaqtyqpen ainalysqan qylmystyq toptyń áreketine tosqaýyl qoiyldy, dep habarlaidy Ult.kz.
Qalalyq prokýratýranyń úilestirýimen, «Qazaqtelekom» AQ-nyń qoldaýymen jáne UQKD men PD-nyń jedel súiemeldeýi nátijesinde 2025 jyldyń 19 tamyzynda Qazaqstannyń eki azamaty ustaldy.
Tergeý derekterine sáikes, kúdiktiler sheteldik seriktesterimen birlesip, internet-alaiaqtyq shemasyn júzege asyrýǵa zańgerlik kómek kórsetken. Olar kún saiyn azamattarǵa 2000-ǵa deiin jalǵan qońyraý shalyp, qarjylaryn iemdenýge árekettengen.
Qazir tergeý amaldary júrgizilip, istiń barlyq mán-jaiy anyqtalýda.
Almaty qalasynyń prokýratýrasy turǵyndardy qyraǵy bolýǵa shaqyryp, beitanys adamdardyń qońyraýyna senbeýge jáne jeke derekter men bank rekvizitterin bermeýge keńes beredi. Kúdikti jaǵdai týyndasa, quqyq qorǵaý organdaryna júginý qajet.
