Sinoptikter 2020 jylǵy 9-11 sáýirge arnalǵan aýa raiy boljamyn jariialady, dep habarlaidy "Ult aqparat" Qazgidrometke silteme jasap.
Elimizdiń soltústiginde jańbyrdyń qarǵa aýysýyn jáne kúshti ekpindi jeldiń soǵýyn týdyrǵan Atlant muhity aýmaǵynan kelgen tsiklon, erteń 9 sáýirde respýblikanyń ońtústiginde jáne ońtústik-shyǵysynda kei jerlerde qatty jaýyn-shashyn (jańbyrdyń arty qarǵa ulasýy) ákeledi. Al tsiklondy Máskeý mańynan keletin sýyq antitsiklon yǵystyrady. Jaýyn-shashyn toqtaidy jáne aýa temperatýrasy tómendeidi», delingen habarlamada.
