"Qumtór Gold" kompaniiasynyń jumysymen tanysyp júrgen Qyrǵyzstan prezidenti Sadyr Japarov (oń jaqta). 15 maýsym 2021 jyl.
Qyrǵyzstan "Qumtór Gold" kompaniiasyna syrttai basqarý engizgennen bergi bir aiǵa jetpeitin ýaqyt ishinde 44 myń ýntsiia altyn satyp, 40 million dollar kóleminde tabys tapqan.
Bul týraly kompaniia qyzmetkerleri 15 maýsymda prezident Sadyr Japarovpen kezdesý kezinde aitty, dep habarlaidy Azattyq.
Seisenbi kúni Japarov Qumtórge baryp, jumys barysymen tanysqan.
Kompaniia qyzmetkerleri ken mol shyqqan jer qazyla bastalsa, altyn kólemi kóbeietinin, jumys úzilissiz shtattyq rejimde júrip jatqanyn, ailyq ýaqytynda tólenip, salyqtardy da josparǵa sáikes ótep jatqanyn jetkizdi.
Qumtór - Qyrǵyzstandaǵy eń iri altyn keni. Ony kanadalyq "Tsenterra Gold" kompaniiasy júrgizip kelgen. Qyrǵyzstannyń úlesi 26 paiyz.
Qyrǵyzstan "Qumtór Gold" jalpy 4 milliard 252 million 800 myń dollar tóleýge mindetti ekenin, al "Tsenterra Gold" bolsa, qyrǵyz jerinde eshqandai zań buzbaǵanyn aityp keledi.
Biyl mamyr aiynda másele parlamentte qaralyp, Qyrǵyzstan "Qumtór Gold" kompaniiasyna ýaqytsha syrtqy basqarý engizgen.
