"قۇمتٶر گولد" كومپانيياسىنىڭ جۇمىسىمەن تانىسىپ جٷرگەن قىرعىزستان پرەزيدەنتٸ سادىر جاپاروۆ (وڭ جاقتا). 15 ماۋسىم 2021 جىل.
قىرعىزستان "قۇمتٶر گولد" كومپانيياسىنا سىرتتاي باسقارۋ ەنگٸزگەننەن بەرگٸ بٸر ايعا جەتپەيتٸن ۋاقىت ٸشٸندە 44 مىڭ ۋنتسييا التىن ساتىپ, 40 ميلليون دوللار كٶلەمٸندە تابىس تاپقان.
بۇل تۋرالى كومپانييا قىزمەتكەرلەرٸ 15 ماۋسىمدا پرەزيدەنت سادىر جاپاروۆپەن كەزدەسۋ كەزٸندە ايتتى, دەپ حابارلايدى ازاتتىق.
سەيسەنبٸ كٷنٸ جاپاروۆ قۇمتٶرگە بارىپ, جۇمىس بارىسىمەن تانىسقان.
كومپانييا قىزمەتكەرلەرٸ كەن مول شىققان جەر قازىلا باستالسا, التىن كٶلەمٸ كٶبەيەتٸنٸن, جۇمىس ٷزٸلٸسسٸز شتاتتىق رەجيمدە جٷرٸپ جاتقانىن, ايلىق ۋاقىتىندا تٶلەنٸپ, سالىقتاردى دا جوسپارعا سەيكەس ٶتەپ جاتقانىن جەتكٸزدٸ.
قۇمتٶر - قىرعىزستانداعى ەڭ ٸرٸ التىن كەنٸ. ونى كانادالىق "تسەنتەررا گولد" كومپانيياسى جٷرگٸزٸپ كەلگەن. قىرعىزستاننىڭ ٷلەسٸ 26 پايىز.
قىرعىزستان "قۇمتٶر گولد" جالپى 4 ميلليارد 252 ميلليون 800 مىڭ دوللار تٶلەۋگە مٸندەتتٸ ەكەنٸن, ال "تسەنتەررا گولد" بولسا, قىرعىز جەرٸندە ەشقانداي زاڭ بۇزباعانىن ايتىپ كەلەدٸ.
بيىل مامىر ايىندا مەسەلە پارلامەنتتە قارالىپ, قىرعىزستان "قۇمتٶر گولد" كومپانيياسىنا ۋاقىتشا سىرتقى باسقارۋ ەنگٸزگەن.
