© Sputnik / Mihail Voskresenskii
Qulybaevtardyń "Halyq" qaiyrymdylyq qory "Qazaqstan halqyna" qoryna 10 mlrd teńge aýdardy, dep habarlady Sputnik Qazaqstan agenttigi 365info.kz portala silteme jasap.
"Halyq" qorynyń quryltaishylary Timýr jáne Dinara Qulybaevtardyń aýdarymy arqyly qor qarajaty tolyqty. Olardyń qoldaýynyń arqasynda "Halyq" qory qazaqstandyqtarǵa júieli túrde kómek kórsetip keledi: 2020-2021 jyldary ǵana qor 18 mlrd teńgeniń qaiyrymdylyq sharasyn júzege asyrdy", - delingen habarlamada.
Qańtarda Qulybaevtardyń otbasy Halyk Bank jáne "Halyq" qaiyrymdylyq qory arqyly "Qazaqstan halqyna" qoryna áleýmettik máselelerdi sheshýge qarjy aýdardy.
"Memleket basshysy mańyzdy bastama kóterip, úkimet pen qaiyrymdylyq uiymdaryn, metsenattardy Qazaqstannyń ár turǵynyna jaǵdai jasaý úshin yntymaqtasýǵa shaqyrdy. Biz budan keiin de prezident Qasym-Jomart Toqaevtyń eldiń damýyna baǵyttalǵan bastamalaryn qoldaýǵa daiynbyz", - dedi "Halyq" qaiyrymdylyq qorynyń qamqorshylyq keńesiniń tóraǵasy Dinara Qulybaeva.
