© Sputnik / Vladislav Vodnev
Qazaqstan Ulttyq olimpiada komitetiniń prezidenti Timýr Qulybaev 2023-2026 jyldar kezeńine Ulttyq olimpiada komitetteri qaýymdastyǵy (UOKQ) atqarýshy komitetiniń quramyna qaita sailandy, dep habarlaidy Sputnik Qazaqstan.
Kandidatýrany Aziia olimpiada keńesi kontinent ókili retinde usyndy. Timýr Qulybaev 2015 jyldan beri Qurlyqtyq qaýymdastyqtyń – Aziia olimpiada keńesiniń vitse-prezidenti qyzmetin atqaryp keledi.
Aita keteri, Qulybaev – Halyqaralyq olimpiada komitetiniń qoǵammen bailanys jáne sport arqyly áleýmettik damý jónindegi komissiiasynyń múshesi.
2022 jyldyń qyrkúieginde Halyqaralyq olimpiada komitetiniń prezidenti Tomas Bah Timýr Qulybaevty BUU-nyń turaqty damý salasyndaǵy maqsattaryna qol jetkizý úshin sporttyń rólin kúsheitýmen ainalysatyn "Olimpizm 365" komissiiasyna taǵaiyndady.
UOKQ atqarýshy komiteti basqarý organy bolyp sanalady, onyń quramyna 32 UOK ókili, UOKQ prezidenti, UOKQ aǵa vitse-prezidenti, uiymnyń bas hatshysy jáne dúniejúzilik olimpiada qozǵalysynyń eń belsendi qairatkerleri kiredi.
