Qazaqstan Prezidenti Qasym-Jomart Toqaev beinebailanys arqyly «Atameken» Ulttyq kásipkerler palatasynyń Tóralqa Tóraǵasy Timýr Qulybaevty qabyldady, dep habarlaidy Aqordanyń baspasóz qyzmeti.
«Atameken» UKP Tóralqa Tóraǵasy Memleket basshysyna kásipkerliktiń tótenshe jaǵdai rejimi jáne karantin shekteýlerinen keiingi jaǵdaiy týraly aitty. Timýr Qulybaev biznestiń zardap shekken salalarynyń túitkildi máselelerin talqylaý boiynsha jumys kezdesýlerdiń ótkenin aityp, onyń aldyn ala qortyndysy týraly aqparat berdi. «Atameken» UKP bastamasymen ótken birlesken kezdesýlerge QR Premer-Ministri, Úkimet músheleri, oblystar men Nur-Sultan, Almaty, Shymkent qalalarynyń ákimdikteri men biznes-qoǵamdastyq qatysty.
Memleket basshysyna jumyspen qamtý jáne qoldaý sharalarynyń tiimdiligine qatysty kásipkerler arasynda júrgizilgen saýalnamalardyń qorytyndysy týraly da baiandaldy. Atalǵan saýalnamalarǵa 65 myńǵa jýyq biznes sýbektisi qatysqan. Budan bólek, Qazaqstan Prezidentine Úkimet, jergilikti atqarýshy organdar men «Atameken» UKP-nyń birlesip, Jumyspen qamtý máseleleri jónindegi biryńǵai ahýaldyq ortalyq ashý týraly usynys aityldy.
