Qazaqstan Ulttyq Olimpiadalyq komitetiniń prezidenti Timýr Qulybaev pen World Athletics basshysy Sebastian Koe kezdesti.
Olympic.kz saitynyń jazýyna qaraǵanda, tanymal sport fýnktsioneri, 1980 jylǵy Máskeý jáne 1984 jylǵy Los-Andjeles Olimpiadasynyń jeńimpazy Sebastian Koe elordaǵa eki kúndik issaparmen kelgen. Nur-Sultanǵa sapary barysynda ol birneshe is-sharaǵa qatysty.
Qazaqstan UOK pen World Athletics basshysynyń kezdesýinde otandyq jeńil atletikanyń damý barysy jáne 2020 jylǵy Olimpiada oiyndaryna daiyndyq kezeńi talqylandy. Sondai-aq, jeńil atletikalyq nysan qurylysy men jattyqtyrýshylar quramynyń biliktiligin arttyrý jónindegi máseleler talqylandy. Kezdesý barysynda Sebastian Koe Qazaqstannyń Ortalyq Aziia aimaǵyndaǵy mańyzdy rolge ie ekenin taǵy bir atap ótti.
Sizdi Qazaqstanda kórgenimizge qýanyshtymyz. Sizdiń elordaǵa jasaǵan saparyńyz áriptestikti nyǵaityp qana qoimai, elimizdegi jeńil atletikanyń damýyna erekshe áser etedi. Qazaqstan sportynda jeńil atletikanyń alar orny bólek. Sońǵy alty Olimpiada oiyndarynda bizdiń atletter birneshe ret jeńis tuǵyryna kóterildi. Eki ret birinshi orynnan kórindi. Sonymen qatar, komanda músheleri álem chempionattarynda kózge túsip júr. Biz jeńil atletika ardagerleri salyp ótken sara joldy jalǵastyryp kelemiz. 2020 jylǵyTokio Olimpiadasyna sportshylarymyz joldama alyp úlgerdi. Aldaǵy irikteý týrnirlerinde litsenziia sanyn kóbeite túsýdi kózdep otyrmyz. Bizge qoldaý kórsetip, Qazaqstandy Ortalyq Aziiadaǵy kóshbasshylar qataryna qosqanyńyz úshin alǵysymyz sheksiz, - dedi Timýr Qulybaev.
World Athletics prezidenti Sebastian Koe Qazaqstannyń qurlyqtyq jáne álemdik jarystardy qabyldaýǵa áleýeti jetetinin aitty. Ol rezervtegi sportshylardyń sheberlikterin arttyrý úshin jaǵdai jasalǵanyna erekshe mán berdi. Eki kún ishinde ol oqýshylar Saraiyndaǵy jeńil atletika manejine baryp, Tuńǵysh Prezident kúnine orai uiymdastyrylǵan "Altay Kids Cup III" balalar týrniriniń qatysýshylaryn marapattady.
Sondai-aq, World Athletics basshysy "Barys-Arena" muz saraiyn aralap, jańadan salynyp jatqan "Jabyq jeńil atletika kesheniniń" qurylysymen tanysty. Mártebeli qonaqqa Almaty oblysynda ornalasqan "Aq Bulaq" zamanaýi sporttyq bazasy da tanystyryldy.
Sapar sońynda Sebastian Koe elimizdegi zamanaýi infraqurylymdy joǵary baǵalady.
Aita ketelik, Qazaqstan UOK jáne World Athletics basshylary Halyqaralyq Olimpiada komitetiniń qoǵammen bailanys jáne sport arqyly áleýmettik damý komissiiasynyń músheleri.
