25 qarashada túnde Atyraý oblysy Jylyoi aýdanynyń Qulsary qalasynda áieldiń máiiti tabyldy.
35 jastaǵy áieldi birneshe jerden pyshaqtap ketken. Áiel aýyr jaraqattyń saldarynan jedel járdem kelgenshe oqiǵa ornynda kóz jumdy. Qylmystyń sebebi anyqtalyp jatyr, dep habarlady Sputnik Qazaqstan saity "Aq Jaiyq" gazetine silteme jasap.
Qaitys bolǵan áieldiń artynda kúieýi, jeti balasy qaldy.
Osy qylmysqa qatysy bar degen kúdikpen Jylyoi aýdanynyń týmasy, 25 jastaǵy er adam ustalyp, ýaqytsha ustaý izoliatoryna qamaldy.
Keiinirek Atyraý oblysy politsiia departamenti tragediiaǵa qatysty túsinikteme berdi.
"26 qarasha kúni Qulsary qalasynyń 1986 jyly týǵan turǵynyn óltirdi degen kúdikpen 1996 jyly týǵan er adam ustalyp, ýaqytsha ustaý abaqtysyna qamaldy. Atalǵan faktige qatysty Qazaqstan Qylmystyq kodeksiniń 99-baby 1-bóligimen sotqa deiingi tergeý amaldary júrgizilip jatyr", - delingen habarlamada.
Vedomstvo sondai-aq tergeý amaldary tikelei departament bastyǵy Qamza Úmbetqalievtiń baqylaýynda ekenin jetkizdi.
