25 قاراشادا تٷندە اتىراۋ وبلىسى جىلىوي اۋدانىنىڭ قۇلسارى قالاسىندا ەيەلدٸڭ مەيٸتٸ تابىلدى.
35 جاستاعى ەيەلدٸ بٸرنەشە جەردەن پىشاقتاپ كەتكەن. ەيەل اۋىر جاراقاتتىڭ سالدارىنان جەدەل جەردەم كەلگەنشە وقيعا ورنىندا كٶز جۇمدى. قىلمىستىڭ سەبەبٸ انىقتالىپ جاتىر, دەپ حابارلادى Sputnik قازاقستان سايتى "اق جايىق" گازەتٸنە سٸلتەمە جاساپ.
قايتىس بولعان ەيەلدٸڭ ارتىندا كٷيەۋٸ, جەتٸ بالاسى قالدى.
وسى قىلمىسقا قاتىسى بار دەگەن كٷدٸكپەن جىلىوي اۋدانىنىڭ تۋماسى, 25 جاستاعى ەر ادام ۇستالىپ, ۋاقىتشا ۇستاۋ يزولياتورىنا قامالدى.
كەيٸنٸرەك اتىراۋ وبلىسى پوليتسييا دەپارتامەنتٸ تراگەديياعا قاتىستى تٷسٸنٸكتەمە بەردٸ.
"26 قاراشا كٷنٸ قۇلسارى قالاسىنىڭ 1986 جىلى تۋعان تۇرعىنىن ٶلتٸردٸ دەگەن كٷدٸكپەن 1996 جىلى تۋعان ەر ادام ۇستالىپ, ۋاقىتشا ۇستاۋ اباقتىسىنا قامالدى. اتالعان فاكتٸگە قاتىستى قازاقستان قىلمىستىق كودەكسٸنٸڭ 99-بابى 1-بٶلٸگٸمەن سوتقا دەيٸنگٸ تەرگەۋ امالدارى جٷرگٸزٸلٸپ جاتىر", - دەلٸنگەن حابارلامادا.
ۆەدومستۆو سونداي-اق تەرگەۋ امالدارى تٸكەلەي دەپارتامەنت باستىعى قامزا ٷمبەتقاليەۆتٸڭ باقىلاۋىندا ەكەنٸن جەتكٸزدٸ.
