Atyraý oblysyndaǵy Qulsary qalasyna tasqyn sý kirdi. Qazir qalanyń kósheleri sýǵa tola bastady.
Qulsaryda ózen arnasynan asyp jatyr. Osyǵan bailanysty turǵyndar qaýipsiz jerge kóshirildi. Al Teńiz ken ornynda jumys isteitin aýdan turǵyndary 5 kúnge aqysy saqtalatyn demalysqa jiberildi. Olar da sý tasqynyn aldyn alý úshin jergilikti qutqarýshylarǵa kómektesip jatyr. Qutqarý jumystary oblys ákiminiń baqylaýynda.
Qazir Qulsaryǵa Jaiyq ózeninen de qaýip bar. Boljam boiynsha, ózenge quiylatyn sý kólemi kóbeiýi múmkin. Sondyqtan mamandar arnaiy belgilengen 20 ýchaskedegi dambalardyń biiktigin 6 metrge deiin kóterip jatyr.
Búgin túnde Qulsary qalasyndaǵy №2 jáne №3-aýylǵa tasqyn sýdyń kirý qaýpi týyndaǵan.
Jylyoi aýdanyna qarasty Qaraǵai eldi mekenine sý tasqynynyń kirý qaýpi týyndaýyna bailanysty tótenshe jaǵdai jariialanyp, aýyl halqy qaýipsiz jerge kóshirildi. Qaladaǵy Dostyq shaǵyn aýdany men №5 aýyldy jalǵap turǵan kópirde sý aǵysynyń qatty kelýine bailanysty qozǵalys toqtatyldy.
Saqtyq sharalaryn jasaý maqsatynda politsiia bóliminiń qyzmetkerleri kópir basynda halyqqa túsindirý jumystaryn júrgizip jatyr. Aýdan basshysy da shaǵyn aýdannyń turǵyndarymen kezdesip, jaqyn arada ońtaily sheshim qabyldanatynyn aitty. Onyń aitýynsha, kóktemgi sý tasqyny aýdanǵa qiynshylyq týdyryp otyr. Osyǵan bailanysty aýdan boiynsha búginnen bastap jergilikti aýqymdaǵy tótenshe jaǵdai jariialandy.
Qazir Qosshaǵyl aýyldyq okrýgine qarasty Qaraǵai eldi mekenine sý kirgen.
