قۇلسارى قالاسىنا دا تاسقىن سۋ كٸردٸ

اتىراۋ وبلىسىنداعى قۇلسارى قالاسىنا تاسقىن سۋ كٸردٸ. قازٸر قالانىڭ كٶشەلەرٸ سۋعا تولا باستادى.

قۇلسارىدا ٶزەن ارناسىنان اسىپ جاتىر. وسىعان بايلانىستى تۇرعىندار قاۋٸپسٸز جەرگە كٶشٸرٸلدٸ. ال تەڭٸز كەن ورنىندا جۇمىس ٸستەيتٸن اۋدان تۇرعىندارى 5 كٷنگە اقىسى ساقتالاتىن دەمالىسقا جٸبەرٸلدٸ. ولار دا سۋ تاسقىنىن الدىن الۋ ٷشٸن جەرگٸلٸكتٸ قۇتقارۋشىلارعا كٶمەكتەسٸپ جاتىر. قۇتقارۋ جۇمىستارى وبلىس ەكٸمٸنٸڭ باقىلاۋىندا.

قازٸر قۇلسارىعا جايىق ٶزەنٸنەن دە قاۋٸپ بار. بولجام بويىنشا, ٶزەنگە قۇيىلاتىن سۋ كٶلەمٸ كٶبەيۋٸ مٷمكٸن. سوندىقتان ماماندار ارنايى بەلگٸلەنگەن 20 ۋچاسكەدەگٸ دامبالاردىڭ بيٸكتٸگٸن 6 مەترگە دەيٸن كٶتەرٸپ جاتىر.
بٷگٸن تٷندە قۇلسارى قالاسىنداعى №2 جەنە №3-اۋىلعا تاسقىن سۋدىڭ كٸرۋ قاۋپٸ تۋىنداعان.

جىلىوي اۋدانىنا قاراستى قاراعاي ەلدٸ مەكەنٸنە سۋ تاسقىنىنىڭ كٸرۋ قاۋپٸ تۋىنداۋىنا بايلانىستى تٶتەنشە جاعداي جارييالانىپ, اۋىل حالقى  قاۋٸپسٸز جەرگە كٶشٸرٸلدٸ. قالاداعى دوستىق شاعىن اۋدانى مەن №5 اۋىلدى جالعاپ تۇرعان كٶپٸردە سۋ اعىسىنىڭ قاتتى كەلۋٸنە بايلانىستى قوزعالىس توقتاتىلدى.

ساقتىق شارالارىن جاساۋ ماقساتىندا پوليتسييا بٶلٸمٸنٸڭ قىزمەتكەرلەرٸ كٶپٸر باسىندا حالىققا تٷسٸندٸرۋ جۇمىستارىن جٷرگٸزٸپ جاتىر. اۋدان باسشىسى دا شاعىن اۋداننىڭ تۇرعىندارىمەن كەزدەسٸپ, جاقىن ارادا وڭتايلى شەشٸم قابىلداناتىنىن ايتتى. ونىڭ ايتۋىنشا, كٶكتەمگٸ سۋ تاسقىنى اۋدانعا قيىنشىلىق تۋدىرىپ وتىر. وسىعان بايلانىستى اۋدان بويىنشا بٷگٸننەن باستاپ جەرگٸلٸكتٸ اۋقىمداعى تٶتەنشە جاعداي جارييالاندى.

قازٸر قوسشاعىل اۋىلدىق وكرۋگٸنە قاراستى قاراعاي ەلدٸ مەكەنٸنە سۋ كٸرگەن.