Terakt jasady degen kúdikti Rýslan Kúlekbaev sotta bólek otyr, - dep habarlaidy kaz.tengrinews.kz tilshisi qylmystyq ister jónindegi mamandandyrylǵan aýdanaralyq sottan. Sot tergeý izoliatorynyń ǵimaratynda ashyq tártipte ótip jatyr.
Sottalýshy sabyrly kórinedi. Ol tipti ózin túsirip jatqan operatorlarǵa qarap kúldi. Aita keteiik, jýrnalisterge sýretke jáne videoǵa túsirýge ruqsat berildi. Sottalýshy retinde Kúlekbaevpen qatar onyń bes sybailasy otyr. Qazirgi ýaqytta aldyn ala sot tyńdaýy ótip jatyr.
Protseske qaza bolǵandardyń týystary keldi. Olar Kúlekbaevtyń tártibine narazylyq bildirip otyr. Olardyń pikirinshe, sottalýshy suraqqa naqty jaýap bermei, sýdiaǵa jaýap bergen kezinde turmai qoiǵan. Kúlekbaevti bir memlekettik advokat qorǵap otyr. Sottaǵylardyń aitýynsha, advokattardyń eshqaisysy óz qalaýymen onyń múddesin qorǵaýǵa kelispegen.
Al qaza tapqandardyń týystary atqyshty ólim jazasyna kesýdi talap etip otyr.
Aita keteiik, búgin sotta taǵy bir daý boldy. Qaza bolǵan politsei Meirambek Rahmatýllaevtiń anasy sottalýshy Kúlekbaevtiń áieliniń betine túkirdi.
Basty sot otyrysy 24 qazanǵa belgilendi. Otyrys kún saiyn ótedi.
Al osyǵan deiin Rýslan Kúlekbaevtiń buryndary kikboksingpen ainalysqany jáne jetistikteri úshin osy sport túrinen san márte marapat pen quttyqtaýlarǵa ie bolǵany belgili bolǵan edi. Esimin jariialamaýdy ótingen adam, kikboksingpen shuǵyldanǵan Kúlekbaevtiń "Sport sheberligine kandidat" degen ataǵy da bar ekenin aitty. Al búgin, 17 qazanda Almatydaǵy terakt boiynsha aldyn ala sot otyrysy bastalǵany habarlandy. Sotty tergeý izoliatorynyń ǵimaratynda ótkizý týraly sheshimdi sottaǵylar Rýslan Kúlekbaevtiń óte ashýly ári qoǵamǵa qaýip tóndiretindigimen túsindirdi. Sondai-aq, quqyq qorǵaý organdary sottalýshy qashyp kete me dep qorqyp otyr eken. "Ol kamerasynda kisenmen otyrady. Ol óte qaýipti, sondyqtan sot protsesin tergeý izoliatorynyń ǵimaratynda ótkizýdi durys dep taptyq, sebebi qalalyq sottyń ǵimaratyna tasymaldanatyn bolsa, ol qarsylyq kórsetýi múmkin jáne qashyp ketýge áreket jasaýy múmkin. Kúlekbaevtyń fizikalyq daiyndyǵy bar, ol kisendeýli tursa da, jaýap alynyp jatqan sátte tergeýshige stoldy tóńkerip jibere jazdady", - dedi sottyń ókilderi Tengrinews.kz tilshisine.
Eske salaiyq, 18 shildede Almatyda terroristik akt bolǵan edi. Belgisiz er adam Almaly aýdandyq IIB men UQK departamentine qarýly shabýyl jasady. Oqiǵa saldarynan bes adam, onyń ishinde úsh politsiia qyzmetkeri qaza tapty. Qalada terrorlyq qaterdiń qyzyl deńgeii jariialandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlekbaev bolyp shyqty.
Osyǵan deiin IID tergeý jumystary barysynda18 shildede politseilerdi óltirdi degen kúdikke ilingen Rýslan Kúlekbaevtyń jaldamaly páterdi anyqtaǵan bolatyn. Politsiiadaǵylar páterde adam ómirine qaýipti zattardyń bar-joǵyn tekserip shyqty. Alaida, politsiia qyzmetkerleri páterdi tintý kezinde qaýipti zattardy tappady.
