Ishki ister ministrliginiń aqparat alańynda Kriminaldyq politsiia departamenti bastyǵynyń orynbasary Qanat Nurmaǵambetov quldyqqa túspeýdiń saqtyq sharalary men odan qutylýdyń amaldary týraly keńes berdi, habarlaidy QazAqparat.
«Sóz sońynda quldyqqa túspeý úshin qandai saqtyq sharalary kerek ekenin aitqym keledi. Jeńil tabys tabýǵa bolatyny týraly kúmándi usynystarǵa aldanbańyz. Eshkimge jeke basyńyzdy kýálandyratyn qujattardy bermeńiz. Ózge elge nemese qalaǵa shyǵar kezde jaqyndaryńyz ben týǵan-týysqandaryńyzǵa qaida bara jatqanyńyzdy aityp, yqtimal mekenjaiyńyzdy, bailanys derekterin berip ketińiz», - dedi ol vedomstvonyń aqparat alańynda óten onlain brifingide.
Sondai-aq, politsiia ókili qoǵamdy da bul iske bei-jai qaramaýǵa úndedi.
«Ondai zań buzý faktileri týraly bilseńizder nemese kýási bolsańyzdar, áreketsiz qalmaýlaryńyzdy suraimyz. Kimde-kim mundai jaǵdaiǵa tap kelgen bolsa, dereý jaqyn jerdegi politsiia bólimine habarlasý kerek. «102» nómirine nemese «1616» senim telefonyna habarlassyn. Ár óńirde politsiiamen birge úkimettik emes uiymdar da osy baǵytta jumys isteidi. Olar da adam saýdasynyń qurbandaryna kómek kórsetýge daiyn», - dedi Qanat Nurmaǵambetov.
