ٸشكٸ ٸستەر مينيسترلٸگٸنٸڭ اقپارات الاڭىندا كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ قۇلدىققا تٷسپەۋدٸڭ ساقتىق شارالارى مەن ودان قۇتىلۋدىڭ امالدارى تۋرالى كەڭەس بەردٸ, حابارلايدى قازاقپارات.
«سٶز سوڭىندا قۇلدىققا تٷسپەۋ ٷشٸن قانداي ساقتىق شارالارى كەرەك ەكەنٸن ايتقىم كەلەدٸ. جەڭٸل تابىس تابۋعا بولاتىنى تۋرالى كٷمەندٸ ۇسىنىستارعا الدانباڭىز. ەشكٸمگە جەكە باسىڭىزدى كۋەلاندىراتىن قۇجاتتاردى بەرمەڭٸز. ٶزگە ەلگە نەمەسە قالاعا شىعار كەزدە جاقىندارىڭىز بەن تۋعان-تۋىسقاندارىڭىزعا قايدا بارا جاتقانىڭىزدى ايتىپ, ىقتيمال مەكەنجايىڭىزدى, بايلانىس دەرەكتەرٸن بەرٸپ كەتٸڭٸز», - دەدٸ ول ۆەدومستۆونىڭ اقپارات الاڭىندا ٶتەن ونلاين بريفينگٸدە.
سونداي-اق, پوليتسييا ٶكٸلٸ قوعامدى دا بۇل ٸسكە بەي-جاي قاراماۋعا ٷندەدٸ.
«ونداي زاڭ بۇزۋ فاكتٸلەرٸ تۋرالى بٸلسەڭٸزدەر نەمەسە كۋەسٸ بولساڭىزدار, ەرەكەتسٸز قالماۋلارىڭىزدى سۇرايمىز. كٸمدە-كٸم مۇنداي جاعدايعا تاپ كەلگەن بولسا, دەرەۋ جاقىن جەردەگٸ پوليتسييا بٶلٸمٸنە حابارلاسۋ كەرەك. «102» نٶمٸرٸنە نەمەسە «1616» سەنٸم تەلەفونىنا حابارلاسسىن. ەر ٶڭٸردە پوليتسييامەن بٸرگە ٷكٸمەتتٸك ەمەس ۇيىمدار دا وسى باعىتتا جۇمىس ٸستەيدٸ. ولار دا ادام ساۋداسىنىڭ قۇرباندارىنا كٶمەك كٶرسەتۋگە دايىن», - دەدٸ قانات نۇرماعامبەتوۆ.
