Almatyda QazUÝ-ǵa qarasty Stýdentter saraiy ǵimaratynyń bir bóligi qulaǵany týraly aqparat tarady. Oqiǵa túngi ýaqytta bolǵan. Áleýmettik jelide kýágerler oqiǵa ornynan túsirilgen videolardy jariialady, dep habarlaidy ult.kz.
QazUÝ ókilderiniń málimetinshe, ǵimarat qazir qaita jańǵyrtylyp jatyr. 2023 jyly júrgizilgen tehnikalyq tekserý barysynda nysan baǵandarynyń tot basqany, ǵimarattyń jekelegen bólikterinde deformatsiia bolǵany jáne shatyrdyń zaqymdanǵany anyqtalǵan. Ýniversitet mamandary ǵimarattyń jaǵdaiyna 2024 jyly bolǵan jer silkinisteri de áser etýi múmkin ekenin aitqan.
Nysandy buzý emes, qaita qalpyna keltirý týraly sheshim qabyldanǵan. Shatyrdy bólshekteý jumystary aldyn ala josparlanǵan jáne qaýipsizdik talaptaryna bailanysty túngi ýaqytta júrgizilgen.
Qaita jańǵyrtý jumystary aiaqtalǵannan keiin Stýdentter saraiynyń tarihi kelbeti saqtalmaq.
