QR Qorǵanys ministriniń birinshi orynbasary - QR QK Bas shtabynyń bastyǵy Murat Bektanov Aqtóbe oblysynda zymyran synyǵynyń qulaýyna bailanysty túsinik berdi, dep habarlaidy QazAqparat.
«Bizde Qazaqstan aýmaǵynda RF tarapynan poligondardy paidalaný boiynsha 1995 jylǵy kelisim bar. Komissiia tiisti jumystardy atqardy, shynymen de ol geofizikalyq zymyran qaldyqtary ekeni anyqtaldy. Atap aitqanda, kelisim áli de 1995 jylǵy. Sondyqtan qazirgi kezde Qorǵanys ministrligi bizdiń aýmaqtar men nysandar qaýipsizdigin qamtamasyz etýge qatysty kelisimge ózgerister engizý boiynsha usynys berýde», - dedi M. Bektanov.
Onyń sózine qaraǵanda, búginde komissiia óz jumysyn jalǵastyryp jatyr.
«Bul turǵyda komissiia tiisti pysyqtaý sharalaryn júrgizip jatyr. Jumystar aiaqtalǵannan keiin aqparatty jariialaimyz», - dedi vedomstvo ókili.
Sonymen qatar M. Bektanov osyndai jaǵdailarda ótemaqy berý týraly saýalǵa jaýap berdi.
«Kelisimge sáikes, ótemaqy qarastyrylǵan, iaǵni zań buzýshylyq nemese shyǵyn bolsa. Bizdiń komissiia bul baǵyttaǵy jumystardy atqaryp jatyr, ótemaqy týraly komissiiadan keiin belgili bolady. Onyń jumysy taǵy 10 kúndei jalǵasýy múmkin», - dedi ol.
Budan buryn habarlanǵandai, 2020 jylǵy 9 qańtarda Qazaqstan men Resei arasyndaǵy 1995 jylǵy memleketaralyq kelisimge sáikes, QR aýmaǵyndaǵy poligondy jalǵa alǵan RF Qorǵanys ministrligi synaq ortalyǵynyń josparly oqý-jattyǵýy kezinde bir zymyran synyǵy belgilengen oryndardan tys jerge qulady. Osy oraida QR Qorǵanys ministrligi turǵyndar úshin jaǵdai qaýipti emestigin naqtylady.
Aita keteiik, qazaqstandyq-reseilik birlesken komissiianyń qazirgi málimetine sáikes, Aqtóbe oblysynda tabylǵan zymyran synyǵy – atmosferanyń joǵarǵy qabatyn zertteýge baǵyttalǵan geofizikalyq raketanyń qaldyǵy bolyp shyqty.
