قر قورعانىس مينيسترٸنٸڭ بٸرٸنشٸ ورىنباسارى - قر قك باس شتابىنىڭ باستىعى مۇرات بەكتانوۆ اقتٶبە وبلىسىندا زىمىران سىنىعىنىڭ قۇلاۋىنا بايلانىستى تٷسٸنٸك بەردٸ, دەپ حابارلايدى قازاقپارات.
«بٸزدە قازاقستان اۋماعىندا رف تاراپىنان پوليگونداردى پايدالانۋ بويىنشا 1995 جىلعى كەلٸسٸم بار. كوميسسييا تيٸستٸ جۇمىستاردى اتقاردى, شىنىمەن دە ول گەوفيزيكالىق زىمىران قالدىقتارى ەكەنٸ انىقتالدى. اتاپ ايتقاندا, كەلٸسٸم ەلٸ دە 1995 جىلعى. سوندىقتان قازٸرگٸ كەزدە قورعانىس مينيسترلٸگٸ بٸزدٸڭ اۋماقتار مەن نىساندار قاۋٸپسٸزدٸگٸن قامتاماسىز ەتۋگە قاتىستى كەلٸسٸمگە ٶزگەرٸستەر ەنگٸزۋ بويىنشا ۇسىنىس بەرۋدە», - دەدٸ م. بەكتانوۆ.
ونىڭ سٶزٸنە قاراعاندا, بٷگٸندە كوميسسييا ٶز جۇمىسىن جالعاستىرىپ جاتىر.
«بۇل تۇرعىدا كوميسسييا تيٸستٸ پىسىقتاۋ شارالارىن جٷرگٸزٸپ جاتىر. جۇمىستار اياقتالعاننان كەيٸن اقپاراتتى جارييالايمىز», - دەدٸ ۆەدومستۆو ٶكٸلٸ.
سونىمەن قاتار م. بەكتانوۆ وسىنداي جاعدايلاردا ٶتەماقى بەرۋ تۋرالى ساۋالعا جاۋاپ بەردٸ.
«كەلٸسٸمگە سەيكەس, ٶتەماقى قاراستىرىلعان, ياعني زاڭ بۇزۋشىلىق نەمەسە شىعىن بولسا. بٸزدٸڭ كوميسسييا بۇل باعىتتاعى جۇمىستاردى اتقارىپ جاتىر, ٶتەماقى تۋرالى كوميسسييادان كەيٸن بەلگٸلٸ بولادى. ونىڭ جۇمىسى تاعى 10 كٷندەي جالعاسۋى مٷمكٸن», - دەدٸ ول.
بۇدان بۇرىن حابارلانعانداي, 2020 جىلعى 9 قاڭتاردا قازاقستان مەن رەسەي اراسىنداعى 1995 جىلعى مەملەكەتارالىق كەلٸسٸمگە سەيكەس, قر اۋماعىنداعى پوليگوندى جالعا العان رف قورعانىس مينيسترلٸگٸ سىناق ورتالىعىنىڭ جوسپارلى وقۋ-جاتتىعۋى كەزٸندە بٸر زىمىران سىنىعى بەلگٸلەنگەن ورىنداردان تىس جەرگە قۇلادى. وسى ورايدا قر قورعانىس مينيسترلٸگٸ تۇرعىندار ٷشٸن جاعداي قاۋٸپتٸ ەمەستٸگٸن ناقتىلادى.
ايتا كەتەيٸك, قازاقستاندىق-رەسەيلٸك بٸرلەسكەن كوميسسييانىڭ قازٸرگٸ مەلٸمەتٸنە سەيكەس, اقتٶبە وبلىسىندا تابىلعان زىمىران سىنىعى – اتموسفەرانىڭ جوعارعى قاباتىن زەرتتەۋگە باعىتتالعان گەوفيزيكالىق راكەتانىڭ قالدىعى بولىپ شىقتى.
