Senator Muhtar Qul-Muhammed Prezident Joldaýyndaǵy Senatty jasaqtaý tártibin jáne onyń birqatar fýnktsiiasyn qaita qaraýǵa qatysty jariialanǵan bastamalarǵa pikir bildirdi, dep habarlaidy QazAqparat.
Depýtattyń paiymynsha, Prezidenttiń Senattaǵy kvotasyn 15-ten 10 depýtatqa deiin azaitý týraly sheshimi durys qadam.
Sonymen qatar senator Joldaý aiasynda zań qabyldaý quqyǵy Májiliske ǵana tiesili bolatyny týraly aitylǵan bastamaǵa pikir bildirdi.
Depýtat bul ókilettiktiń aýysýy ońtaily ekenin, bul praktika kóptegen memlekette bar ekenin atap ótti.
«Osy rette sońǵy sheshimdi, iaǵni zańdy qabyldaý nemese qabyldamaý jóninde Senat aitatyny kórsetildi. Bul álemdik tájiribede bar qadamdar, oǵan alańdaityn sebep joq», - dedi Qul-Muhammed tilshilerdiń saýalyna jaýap bere otyryp.
Aita keteiik, Memleket basshysy Qasym-Jomart Toqaev biylǵy Joldaýynda Prezidenttiń Senattaǵy kvotasyn 15-ten 10 depýtatqa deiin azaitý týraly sheshim qabyldaǵanyn jariialady. Onyń beseýin Qazaqstan halqy Assambleiasy qazirgidei sailamaidy, tek usynatyn bolady.
Qazaqstan halqy Assambleiasynyń Májilistegi kvotasy joiylmaq. «Meniń oiymsha, bul – saiasi jaǵynan da, zańdyq turǵydan da durys qadam. Bul kvota Senatqa aýysady jáne 9-dan 5 depýtatqa deiin kemidi», - dedi Prezident.
Budan bólek, Memleket basshysy Senatqa Májilis qabyldaǵan zańdardy tek maquldaý nemese maquldamaý quqyǵyn beretin norma engizgen durys dep sanaitynyn aitty.
«Soǵan sáikes, zań qabyldaý quqyǵy Májiliske ǵana tiesili bolady. Al, Senattyń ókilettigin Konstitýtsiialyq keńes pen Joǵary sot keńesiniń tóraǵasy laýazymyna usynylatyn kandidattarǵa kelisim berý quqyǵymen tolyqtyrǵan jón. Bul ózgeris saiasi júiedegi tepe-teńdik jáne tejemelik mehanizmderin eleýli túrde nyǵaita túsedi, zań shyǵarý úderisin edáýir jeńildetedi. Sonymen qatar, tómengi palatanyń quzyretin keńeitý qajet», - dedi Qasym-Jomart Toqaev.
