سەناتور مۇحتار قۇل-مۇحاممەد پرەزيدەنت جولداۋىنداعى سەناتتى جاساقتاۋ تەرتٸبٸن جەنە ونىڭ بٸرقاتار فۋنكتسيياسىن قايتا قاراۋعا قاتىستى جارييالانعان باستامالارعا پٸكٸر بٸلدٸردٸ, دەپ حابارلايدى قازاقپارات.
دەپۋتاتتىڭ پايىمىنشا, پرەزيدەنتتٸڭ سەناتتاعى كۆوتاسىن 15-تەن 10 دەپۋتاتقا دەيٸن ازايتۋ تۋرالى شەشٸمٸ دۇرىس قادام.
سونىمەن قاتار سەناتور جولداۋ اياسىندا زاڭ قابىلداۋ قۇقىعى مەجٸلٸسكە عانا تيەسٸلٸ بولاتىنى تۋرالى ايتىلعان باستاماعا پٸكٸر بٸلدٸردٸ.
دەپۋتات بۇل ٶكٸلەتتٸكتٸڭ اۋىسۋى وڭتايلى ەكەنٸن, بۇل پراكتيكا كٶپتەگەن مەملەكەتتە بار ەكەنٸن اتاپ ٶتتٸ.
«وسى رەتتە سوڭعى شەشٸمدٸ, ياعني زاڭدى قابىلداۋ نەمەسە قابىلداماۋ جٶنٸندە سەنات ايتاتىنى كٶرسەتٸلدٸ. بۇل ەلەمدٸك تەجٸريبەدە بار قادامدار, وعان الاڭدايتىن سەبەپ جوق», - دەدٸ قۇل-مۇحاممەد تٸلشٸلەردٸڭ ساۋالىنا جاۋاپ بەرە وتىرىپ.
ايتا كەتەيٸك, مەملەكەت باسشىسى قاسىم-جومارت توقاەۆ بيىلعى جولداۋىندا پرەزيدەنتتٸڭ سەناتتاعى كۆوتاسىن 15-تەن 10 دەپۋتاتقا دەيٸن ازايتۋ تۋرالى شەشٸم قابىلداعانىن جارييالادى. ونىڭ بەسەۋٸن قازاقستان حالقى اسسامبلەياسى قازٸرگٸدەي سايلامايدى, تەك ۇسىناتىن بولادى.
قازاقستان حالقى اسسامبلەياسىنىڭ مەجٸلٸستەگٸ كۆوتاسى جويىلماق. «مەنٸڭ ويىمشا, بۇل – ساياسي جاعىنان دا, زاڭدىق تۇرعىدان دا دۇرىس قادام. بۇل كۆوتا سەناتقا اۋىسادى جەنە 9-دان 5 دەپۋتاتقا دەيٸن كەميدٸ», - دەدٸ پرەزيدەنت.
بۇدان بٶلەك, مەملەكەت باسشىسى سەناتقا مەجٸلٸس قابىلداعان زاڭداردى تەك ماقۇلداۋ نەمەسە ماقۇلداماۋ قۇقىعىن بەرەتٸن نورما ەنگٸزگەن دۇرىس دەپ سانايتىنىن ايتتى.
«سوعان سەيكەس, زاڭ قابىلداۋ قۇقىعى مەجٸلٸسكە عانا تيەسٸلٸ بولادى. ال, سەناتتىڭ ٶكٸلەتتٸگٸن كونستيتۋتسييالىق كەڭەس پەن جوعارى سوت كەڭەسٸنٸڭ تٶراعاسى لاۋازىمىنا ۇسىنىلاتىن كانديداتتارعا كەلٸسٸم بەرۋ قۇقىعىمەن تولىقتىرعان جٶن. بۇل ٶزگەرٸس ساياسي جٷيەدەگٸ تەپە-تەڭدٸك جەنە تەجەمەلٸك مەحانيزمدەرٸن ەلەۋلٸ تٷردە نىعايتا تٷسەدٸ, زاڭ شىعارۋ ٷدەرٸسٸن ەدەۋٸر جەڭٸلدەتەدٸ. سونىمەن قاتار, تٶمەنگٸ پالاتانىڭ قۇزىرەتٸن كەڭەيتۋ قاجەت», - دەدٸ قاسىم-جومارت توقاەۆ.
