Qazaqstandyq quqyq qorǵaýshy, zańger Jemis Turmaǵambetova «Qoǵamdyq baqylaý» týraly jańa zań jobasy týraly pikir bildirdi, dep habarlaidy QazAqparat.
Búgin Almatyda QR Aqparat jáne qoǵamdyq damý ministri Aida Balaeva Qoǵamdyq keńes múshelerimen kezdesip, atalǵan zań jobasyn talqylady.
«Zań jobasy QR Prezidentiniń tapsyrmasymen qarastyrylyp jatyr. Prezident biyl osy zańdy qarastyrýdy tapsyrdy. Quqyqtyq saiasat týraly keńes bul zań jobasyn talqylaýdy biylǵy sáýir aiyna belgiledi. Sondyqtan, qazir jumys qarqyndy jalǵasýy kerek. Meniń oiymsha negizgi másele tańdaý, qaita taǵaiyndaý múmkindigi. Olar qoǵamdyq uiymdarmen az merzimge taǵaiyndalýy kerek. Osy jerde genderlik teńdik, adamnyń jasyn eskerýimiz kerek», - dedi ol.
Onyń aitýynsha, osy máseleni sheshý úshin jergilikti organdarmen birikken jumys bolýy kerek.
«Ókinishke orai bul máseleni ákimdik talqylamaidy. Qoǵamdyq Damý departamenti Almaty azamattyq qoǵamynyń atynan usynys ázirleýi kerek. Zań jobasy parlamentke shyǵarylǵanda tek qana jumys toptary emes, depýtattar da qatysýy kerek. Sondyqtan, Almatydaǵy jumys tobynyń qyzmetimen tanysýǵa Almatyǵa jiirek kelse jaqsy bolar edi», - dedi ol.
