Foto: Liliia Filonenko
Qyzylorda oblysynyń eki turǵyny zańsyz ań aýlaýǵa shyǵyp, kiikterdi avtokólikpen qýyp, janýarlar tabynyna oq atqan. Olardyń kóligin tabiǵatty qorǵaý, orman sharýashylyǵy jáne janýarlar dúniesi inspektsiiasynyń inspektorlary toqtatqanda, kólik ishinde 30-dan astam kiik eti, 5 kiik basy baryn anyqtaǵan dep habarlaidy Ult.kz Qyzylorda oblystyq sotynyń Baspasóz qyzmetine silteme jasap.
Saraptama qorytyndysyna sai, memleketke 80 mln teńgeden astam shyǵyn keltirilgen.
Qyzylorda oblysynyń qylmystyq ister jónindegi mamandandyrylǵan aýdanaralyq soty qarý-jaraq pen kólikti qoldana otyryp, aitarlyqtai ziian keltirip, janýarlardy zańsyz aýlady dep aiyptalǵan eki adamǵa qatysy qylmystyq isti qarap (QK-niń 337-baby, 6-bóligi, 2-tarmaǵy), olardyń qylmystyq is-áreketteriniń qujattarmen rastalǵanyn kórsetti.
Sottalýshylar memleketke 3 mln teńge qaitarǵan.
Bir sottalýshynyń jazasyn aýyrlatatyn mán-jaýlar retinde onyń ishki ister organdary qyzmetkeriniń antyn buza otyryp, quqyq buzýshylyq jasaǵany tanylǵan.
Sot sottalýshylardy QK-niń 337-baby, 6-bóligi, 2)-tarmaqshasy boiynsha kináli dep tanyp, olardy 7 jáne 8 jylǵa ań aýlaý quqyǵynan aiyra otyryp, 6 jáne 7 jylǵa bas bostandyǵynan aiyrý jazasy taǵaiyndaldy.
Olardan ortaqtasqan tártipte 77 mln teńgeden astam materialdyq shyǵyn óndirildi.
Qyzylorda oblystyq soty úkimdi ózgerissiz qaldyrdy.
