Búgin Ortalyq kommýnikatsiialar qyzmetinde QR Bas prokýratýrasy 1-qyzmet bastyǵynyń orynbasary Eldos Qilymjanov quqyq qorǵaý organdarynyń zańsyz áreketterine qatysty ótinishter tekserilip jatqanyn aitty, dep habarlaidy QazAqparat.
«Quqyq qorǵaý organdarynyń zańsyz áreketterine qatysty ótinishterdi tekserýge erekshe kóńil bólinip otyr. Qazirgi ýaqytta prokýratýraǵa osyndai 363 shaǵym tústi. Sybailas jemqorlyqqa qarsy qyzmetiniń qaraýynda tergeýdiń ruqsat etilmegen ádisteri týraly 178 qylmystyq is bar. Arnaiy prokýrorlarmen 8 qylmystyq is tergeýge alyndy. Onyń ishinde Atyraý qalasyndaǵy «Dinamo» stadionynda ustalǵandar men bolǵan oqiǵa, Almaty oblysynyń politsiia ǵimaratyndaǵy Batyrbaevtyń, kámelet jasqa tolmaǵan Esbolatulynyń jáne basqalarǵa kúsh qoldaný týraly aryzdary, sondai-aq, ózge de qoǵamdyq rezonans týdyrǵan faktiler», - Qilymjanov.
Onyń aitýynsha, árbir qylmystyq is baqylaýda tur. Naqty nusqaýlar berildi. Protses prokýrorlary taǵaiyndaldy.
