Endi prokýratýra, sybailas jemqorlyqqa qarsy qyzmet jáne ekonomikalyq tergeý qyzmetine qyzmetke túskisi keletinder mindetti bastapqy kásibi daiarlyqtan ótýi tiis, dep habarlaidy "Ult aqparat" QR bas prokýratýrasynyń janyndaǵy quqyq qorǵaý organdary akademiiasynyń resmi saityna silteme jasap.
Jańa engizilimder quqyq qorǵaý qyzmetine qatardaǵy, kishi jáne orta basshy quram laýazymdaryna birinshi ret qabyldanatyn adamdarǵa qatysty.
Qazaqstan Respýblikasy Prezidentiniń 2020 jylǵy 13 mamyrdaǵy Jarlyǵymen Bas prokýratýranyń janyndaǵy Quqyq qorǵaý organdary akademiiasyna atalǵan kásiptik daiarlyqty ótkizý jónindegi fýnktsiialar júktelgen.
Prokýratýra organdaryna qyzmetke kirý úshin oqý merzimi 1 jyl, sybailas jemqorlyqqa qarsy qyzmet jáne ekonomikalyq tergeý qyzmetine 6 aidy quraidy.
Joǵary zańgerlik bilimi bar otyz bes jastan aspaǵan úmitkerler qabyldanatyn bolady.
Barlyq túskender memleket esebinen stipendiiamen, tamaqpen jáne turatyn orynmen qamtamasyz etiledi.
Oqýǵa túsý úshin aldyn ala Memlekettik qyzmet isteri agenttiginde testileýden (quqyq qorǵaý qyzmetine kirý úshin), áskeri-dárigerlik komissiialarda meditsinalyq jáne psihofiziologiialyq kýálandyrýdan jáne poligrafologiialyq zertteýden, sondai-aq Akademiiada irikteýden ótý qajet.
Bastapqy kásiptik daiarlyqqa túsý, Akademiiaǵa irikteý tártibi men merzimderi týraly tolyq aqparat Quqyq qorǵaý organdarynyń jáne Akademiianyń vedomstvolyq saittarynda qosymsha jariialanatyn bolady.
