ەندٸ پروكۋراتۋرا, سىبايلاس جەمقورلىققا قارسى قىزمەت جەنە ەكونوميكالىق تەرگەۋ قىزمەتٸنە قىزمەتكە تٷسكٸسٸ كەلەتٸندەر مٸندەتتٸ باستاپقى كەسٸبي دايارلىقتان ٶتۋٸ تيٸس, دەپ حابارلايدى "ۇلت اقپارات" قر باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەميياسىنىڭ رەسمي سايتىنا سٸلتەمە جاساپ.
جاڭا ەنگٸزٸلٸمدەر قۇقىق قورعاۋ قىزمەتٸنە قاتارداعى, كٸشٸ جەنە ورتا باسشى قۇرام لاۋازىمدارىنا بٸرٸنشٸ رەت قابىلداناتىن ادامدارعا قاتىستى.
قازاقستان رەسپۋبليكاسى پرەزيدەنتٸنٸڭ 2020 جىلعى 13 مامىرداعى جارلىعىمەن باس پروكۋراتۋرانىڭ جانىنداعى قۇقىق قورعاۋ ورگاندارى اكادەميياسىنا اتالعان كەسٸپتٸك دايارلىقتى ٶتكٸزۋ جٶنٸندەگٸ فۋنكتسييالار جٷكتەلگەن.
پروكۋراتۋرا ورگاندارىنا قىزمەتكە كٸرۋ ٷشٸن وقۋ مەرزٸمٸ 1 جىل, سىبايلاس جەمقورلىققا قارسى قىزمەت جەنە ەكونوميكالىق تەرگەۋ قىزمەتٸنە 6 ايدى قۇرايدى.
جوعارى زاڭگەرلٸك بٸلٸمٸ بار وتىز بەس جاستان اسپاعان ٷمٸتكەرلەر قابىلداناتىن بولادى.
بارلىق تٷسكەندەر مەملەكەت ەسەبٸنەن ستيپەندييامەن, تاماقپەن جەنە تۇراتىن ورىنمەن قامتاماسىز ەتٸلەدٸ.
وقۋعا تٷسۋ ٷشٸن الدىن الا مەملەكەتتٸك قىزمەت ٸستەرٸ اگەنتتٸگٸندە تەستٸلەۋدەن (قۇقىق قورعاۋ قىزمەتٸنە كٸرۋ ٷشٸن), ەسكەري-دەرٸگەرلٸك كوميسسييالاردا مەديتسينالىق جەنە پسيحوفيزيولوگييالىق كۋەلاندىرۋدان جەنە پوليگرافولوگييالىق زەرتتەۋدەن, سونداي-اق اكادەمييادا ٸرٸكتەۋدەن ٶتۋ قاجەت.
باستاپقى كەسٸپتٸك دايارلىققا تٷسۋ, اكادەميياعا ٸرٸكتەۋ تەرتٸبٸ مەن مەرزٸمدەرٸ تۋرالى تولىق اقپارات قۇقىق قورعاۋ ورگاندارىنىڭ جەنە اكادەمييانىڭ ۆەدومستۆولىق سايتتارىندا قوسىمشا جارييالاناتىن بولادى.
