Aqtóbe politsiiasy kóligi maiysyp, jaramsyz kúige túsken júrgizýshini toqtatpaq bolǵan. Politsiiany kórgen sátte baǵytyn ózgertip, qashýǵa árekettengen qyzylordalyq bir saǵattan soń ustaldy, dep habarlaidy "Ult aqparat".
Patrýldik politsiia qyzmetkerleri qoǵamdyq tártipti jáne jol qaýipsizdigin qorǵaý qyzmetin maqsatynda qala kóshelerinde reid júrgizdi. Olar Aqtóbe qalasyndaǵy Gastello men Jienbaev kósheleriniń qiylysynda aldyńǵy bamperi maiysqan «Toiota-Kamri» avtokóligin baiqaǵan. Politseiler bul kólik júrgizýshisi jol-kólik oqiǵasyn jasap, qashyp ketýi múmkin degen kúdikpen daýys zoraitqysh qurylǵy arqyly toqtaýyn surady.
«Sheteldik nómiri bar kólik júrgizýshisi politsiia qyzmetkerleriniń eskertýin elemei, Novorossiisk ainalma joly baǵytynda izin jasyrmaq bolǵan. Qýǵynnan qashýǵa áreket jasaǵan kezde «Toiota Kamri» avtokóliginiń júrgizýshisi jol qozǵalysynyń basqa qatysýshylaryna qaýip tóndirdi. Sondai-aq Aqjar aýyly mańyndaǵy temirjol ótkelinde baǵdarshamnyń tyiym salatyn signalyna qaramai, ótip ketti. Qýalaý shamamen bir saǵatqa sozyldy jáne Hromtaý aýdany, Qudyqsai kentiniń mańynda kóliktiń júrgizýshisi men jolaýshysy toqtap, shamdardy sóndirip, qashyp ketýge tyrysqan. Patrýldik politsiia 35 jastaǵy júrgizýshi men onyń jolaýshysyn ustady. Tekserý barysynda júrgizýshiniń mas kúiinde rýlge otyrǵany úshin bes jylǵa kólik júrgizý quqyǵynan aiyrylǵany anyqtaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Aita keteiik, júrgizýshi №3 qalalyq politsiia bólimine jetkizildi. QR jol qozǵalysy erejesin buzǵany úshin shamamen 6 hattama toltyrylyp, 500 myń teńge aiyppul salyndy.
