Shymkent politsiia departamentindegi tergeý kezinde jumbaq jaǵdaida qaza tapqan Nurbolat Jumabaev.
Qostanai oblysynyń turǵynyn ustaýǵa qatysqan politseiler jumysynan shyǵaryldy. Bul týraly áleýmettik jelidegi paraqshasynda Shymkent qalasy Politsiia departamentiniń basshysy Eraly Jumahanbetov málimdedi, - dep habarlaidy "Ult aqparat".
Shymkent Politsiia departamenti basshysynyń málimetinshe, 8 jeltoqsanynda Shymkentte avtokólik quraldaryn urlady degen kúdikpen buryn sońdy múliktik qylmys pen qaraqshylyq úshin sottalǵan Qostanai oblysynyń eki turǵyny ustalǵan. Olardyń avtokóliginen kólikterdi ashýǵa arnalǵan tehnikalyq quraldar, radiostantsiialar, mańdai shamdar men qolǵaptar tabylyp, tárkilengeni de habarlandy.
"Ustaý jáne jetkizý kezinde politsiia qyzmetkerlerimen dene kúshi qoldanylǵan. Olardyń bireýi ǵimaratta ózin nashar sezinip, jedel-járdem kelgen ýaqytta meditsina qyzmetkerlerimen onyń qaitys bolǵany anyqtaldy.
Politsiianyń laýazymdy tulǵalaryna qatysty qylmystyq ister qozǵaldy, olardy obektivtilik maqsatynda Arnaiy prokýrorlar departamenti tergeýde.
Osy fakti boiynsha júrgizilgen qyzmettik tergeýmen ustaýǵa qatysqan qyzmetkerler jáne olardyń is-áreketterine baqylaýdy qamtamasyz etpegen basshylary ishki ister organdarynan shyǵaryldy.
Sonymen qatar, olardyń qylmystyq isti tergeý sheńberindegi is-áreketterine quqyqtyq baǵa beriletin bolady", - dedi politsiia basshysy.
