Kúdiktiler olimpiada chempiony Denis Tendi óltirip alǵanyn áleýmettik jeliden bir-aq bilgen. Bul aqparatty qalalyq IID basshysy Serik Kúdebaev aitty, dep habarlaidy QazAqparat tilshisi.
«Kúdikti Arman Qudaibergenov Deniske eki jerinen pyshaq salǵan. Olar Denis Tendi óltirip alǵanyn keiin áleýmettik jeliden bir-aq bilgen. Bular ózderine aqsha kerek bolǵan soń, osy qadamǵa barǵan. Ekeýi de istegen isin moinyna aldy. Buryn ekeýi de urlyq qylǵany úshin sotty bolǵan», - dedi qalalyq IID basshysy Serik Kúdebaev.
Politsiia basshysy qala turǵyndaryna belsendilik tanytqany úshin alǵys bildirdi.
Aita ketsek, Qazaqstandyq mánerlep syrǵanaýshy Denis Ten 19 shilde kúni pyshaq jaraqatynan qaza bolǵan edi. Oqiǵa Qurmanǵazy Baiseiitova kósheleriniń qiylysynda 19 shildede túski saǵat 15:00 shamasynda bolǵan. Sportshy kóliginiń ainasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denis Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh litr qan joǵaltyp, aýrýhanaǵa óte aýyr jaǵdaida jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsinov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanimatsiialyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olimpiada júldegeri qaitys boldy.
Adam óltirý babymen qylmystyq is qozǵaldy.
Búgin belgili bolǵandai, sportshynyń ólimine qatysy bar eki kúdiktiniń biri ustalyp, ol qylmysyn moiyndady. Ekinshi kúdikti - 1994 jyly týǵan Qyzylorda oblysy, Qarmaqshy aýdany, Aqai aýylynyń týmasy Arman Qudaibergenovke izdeý jariialandy.
Sondai-aq, Denis Tenniń ólimine kúdikti Nuraly Qiiasov kúzetpen Almaly aýdandyq sotyna jetkizilgen.
Al Denis Tenniń ólimi boiynsha kúdikti ekinshi adam Arman Qudaibergenov ustaldy.
