Olimpiada júldegeri Denis Tenniń ólimine qatysy bar bolýy múmkin ekinshi kúdikti Arman Qudaibergenov ustaldy. Bul týraly qalalyq IID arnaiy brifing barysynda qalalyq IID basshysy Serik Kúdebaev aitty, dep habarlaidy Ult.kz tilshisi QazAqparat agenttigine silteme jasap.
«2018 jyly 20-shildede Denis Tenniń ólimine qatysy bolýy múmkin degen kúdikpen 1994 jyly týǵan Qyzylorda oblysy Qarmaqshy aýdany, Aqai aýylynyń týmasy Qudaibergenov Arman Bóribaevich ustaldy. Qazir ol óziniń qylmys jasaǵanyn jáne Denis Tenge eki jerinen pysaq salǵanyn moiyndady. Kúdikti Aqsai 2 shaǵyn aýdanynan kósheden ustaldy. Bular ózderine aqsha kerek bolǵan soń, osy qadamǵa barǵan», - dedi Serik Kúdebaev.
Politsiianyń aitýynsha, ekeýi de buryn isti bolǵan.
"Ekeýide istegen isin moinyna aldy. Olar Denis Tendi óltirip alǵanyn keiin áleýmettik jeliden biraq bilgen", - dedi ol.
Aita ketsek, Qazaqstandyq mánerlep syrǵanaýshy Denis Ten 19 shilde kúni pyshaq jaraqatynan qaza bolǵan edi. Oqiǵa Qurmanǵazy Baiseiitova kósheleriniń qiylysynda 19 shildede túski saǵat 15:00 shamasynda bolǵan. Sportshy kóliginiń ainasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denis Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh litr qan joǵaltyp, aýrýhanaǵa óte aýyr jaǵdaida jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsinov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanimatsiialyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olimpiada júldegeri qaitys boldy.
Adam óltirý babymen qylmystyq is qozǵaldy.
Búgin belgili bolǵandai, sportshynyń ólimine qatysy bar eki kúdiktiniń biri ustalyp, ol qylmysyn moiyndady. Ekinshi kúdikti - 1994 jyly týǵan Qyzylorda oblysy, Qarmaqshy aýdany, Aqai aýylynyń týmasy Arman Qudaibergenovke izdeý jariialandy.
Sondai-aq, Denis Tenniń ólimine kúdikti Nuraly Qiiasov kúzetpen Almaly aýdandyq sotyna jetkizilgen.
Aldyn ala taratylǵan aqparat boiynsha Denis Tenniń ólimi boiynsha kúdikti ekinshi adam Arman Qudaibergenov ustaldy.
