Jyl saiyn 9 mamyr kúni biz ákelerimiz ben atalarymyzdyń adamzat tarihyndaǵy eń surapyl soǵysta kórsetken eren erligi men qaharmandyǵyn eske alamyz.
Bul kúni biz úshin zor maqtanysh pen naǵyz patriotizmniń úlgisine ainalǵan ardagerlerdiń aldynda basymyzdy iemiz.
Soǵys qurbandaryna taǵzym etip, osy kúnge aman jetkenderge qurmet kórsetemiz. Olardyń jaýyngerlik erligi men tyldaǵy eńbeginiń arqasynda biz beibit ári táýelsiz memlekette ómir súrip jatyrmyz.
Otan úshin ot keshkenderdiń erligin umytpai, ony keiingi urpaqqa úlgi etý – bizdiń qasterli boryshymyz.
1945 jylǵy mamyr aiyndaǵy Uly Jeńis ortaq maqsatqa jumylǵan halyqtardyń aýyzbirliginiń, dostyǵy men ózara kómeginiń jarqyn simvolyna ainaldy.
Birligi jarasqan qoǵam ǵana zor jetistikterge jete alatynyn halqymyz jaqsy biledi. Táýelsizdiktiń otyz jylyndaǵy tájiribemiz - sonyń aiqyn dáleli.
Biz osy kezeńde qýatty ári órkendegen memleket qurdyq. Ózara syilastyq, turaqtylyq pen tynyshtyq elimizdiń ornyqty ári úilesimdi damýynyń kepili boldy.
Tarihtan sabaq alyp, halqymyzdyń birligin eń basty qundylyq retinde saqtap kelemiz. Aldaǵy ýaqytta da solai bolaryna senemin.
Barshańyzdy Jeńis kúnimen shyn júrekten quttyqtaimyn!
Myqty densaýlyq, baiandy baqyt, uzaq ǵumyr tileimin!
Aspanymyz árdaiym ashyq bolsyn!" - delingen Nursultan Nazarbaevtyń quttyqtaýynda.
