Atyraýda jergilikti Mergen Fighting Championship ligasynyń MFC 1 týrniri ótti. Bul keshtiń basty aiqasynda qazaqstandyq Qýat "Naiman" Hamitov jekpe-jekke shyqty, - dep habarlaidy Vesti.kz.
Qýattyń qarsylasy ýkarinalyq Roman Golovinov boldy. Bes minýttan úsh raýndqa eseptelgen kezdesý birinshisinde aiaqtaldy.
Qýat qarsylasyn jekpe-jek basynda-aq ádiske salǵan bolatyn, biraq, Golovinov buǵan shydap, ádisten shyǵyp ketti. Degenmen ekinshi ret Hamitov ýkrainalyqty qaitadan tunshyqtyryp, tóreshi jekpe-jekti toqtatty.
Osylaisha, Hamitov MMA-de 21-shi jeńisine jetti, sonymen qosa, sportshyda jeti jeńilis pen bir teń túsken aiqas bar. Buryn on ret jeńiske jetken Golovinov besinshi ret jeńilip otyr.
Aita keteiik, shamamen qyrkúiekte "Naiman" kelesi aiqasyn reseilik Marif Piraevpen Almatyda ótkizedi. Bul kezdesýdi AMC Fight Nights promoýsheni uiymdastyrady.
