اتىراۋدا جەرگٸلٸكتٸ Mergen Fighting Championship ليگاسىنىڭ MFC 1 تۋرنيرٸ ٶتتٸ. بۇل كەشتٸڭ باستى ايقاسىندا قازاقستاندىق قۋات "نايمان" حاميتوۆ جەكپە-جەككە شىقتى, - دەپ حابارلايدى Vesti.kz.
قۋاتتىڭ قارسىلاسى ۋكارينالىق رومان گولوۆينوۆ بولدى. بەس مينۋتتان ٷش راۋندقا ەسەپتەلگەن كەزدەسۋ بٸرٸنشٸسٸندە اياقتالدى.
قۋات قارسىلاسىن جەكپە-جەك باسىندا-اق ەدٸسكە سالعان بولاتىن, بٸراق, گولوۆينوۆ بۇعان شىداپ, ەدٸستەن شىعىپ كەتتٸ. دەگەنمەن ەكٸنشٸ رەت حاميتوۆ ۋكراينالىقتى قايتادان تۇنشىقتىرىپ, تٶرەشٸ جەكپە-جەكتٸ توقتاتتى.
وسىلايشا, حاميتوۆ مما-دە 21-شٸ جەڭٸسٸنە جەتتٸ, سونىمەن قوسا, سپورتشىدا جەتٸ جەڭٸلٸس پەن بٸر تەڭ تٷسكەن ايقاس بار. بۇرىن ون رەت جەڭٸسكە جەتكەن گولوۆينوۆ بەسٸنشٸ رەت جەڭٸلٸپ وتىر.
ايتا كەتەيٸك, شامامەن قىركٷيەكتە "نايمان" كەلەسٸ ايقاسىن رەسەيلٸك ماريف پيراەۆپەن الماتىدا ٶتكٸزەدٸ. بۇل كەزدەسۋدٸ AMC Fight Nights پروموۋشەنٸ ۇيىمداستىرادى.
