Parlament Májilisiniń depýtaty Qýanysh Sultanov «Jýsan» operatsiiasy negizinde derekti, patriottyq tárbiedegi kórkem film túsirý týraly usynys jasady. Osyǵan bailanysty QR Premer-Ministri Baqytjan Saǵyntaevtyń atyna depýtattyq saýal joldandy, dep habarlaidy "Ult aqparat".
«Jańa jyldyń alǵashqy aptasy QR Prezidenti Nursultan Ábishuly Nazarbaevtyń Siriiadan bizdiń elden aldaý joldarymen shyǵarylǵan jáne terroristerde tutqynda bolǵan 11 áiel, 30 bala barlyǵy 47 adamnyń óz Otanyna qaitarylýy boiynsha «Jýsan» gýmanitarlyq operatsiiasynyń sátti atqarylǵany týraly erekshe ári júrekke jyly tietin Málimdemesimen este qaldy. Prezident mundai qaiyrymdylyq ári gýmanizm aktisine bastamashy bolý arqyly Qazaqstan azamattarynyń qai jerde bolsa da olardyń taǵdyryna degen qamqorlyǵy men alańdatýshylyǵyn kórsetti. Operatsiia qalai daiyndalǵandyǵy jáne qandai qiyndyqtar men qaýip-qaterlerdi ótkergendigi týraly maǵlumat tek Prezident pen naqty oryndaýshylarǵa ǵana málim, munyń ózi qurmetke laiyq», - dep toqtaldy Qýanysh Sultanov.
Osy oraida ol eń bastysy - adamdar, bizdiń otandastarymyz qutqarylǵanyn atap ótti.
«Al bizdiń jastardyń sanasy kinozaldardyń, elektrondyq qurylǵylardyń ekrandarynan patriotizmnen basqa qajetsiz nárseniń barlyǵymen aiaýsyz ýlanyp jatyr. Memleket basshysynyń arnaiy tapsyrmasymen joǵary deńgeide júzege asyrylǵan qazaqstandyq azamattardy qutqarý operatsiiasy sekildi erekshe oqiǵalar óskeleń urpaqqa patriottyq tárbie beretin joǵary kórkemdik kino túsirýge tamasha siýjet bolar edi», - dedi depýtat.
Osyǵan bailanysty Q. Sultanov birneshe usynysyn jariialady.
Bul rette memlekettik tapsyrys boiynsha «Jýsan» operatsiiasy negizinde shytyrman oqiǵaly, derekti, patriottyq tárbiedegi kórkem film túsirý qajettigi aityldy.
«Prezidenttiń ústimizdegi jyldy Jastar jyly dep jariialaýyna bailanysty jastardyń rýhani jáne patriottyq tárbiesi jalpy memlekettik múdde bolǵandyqtan, jastardyń patriottyq ári rýhani tárbiesiniń keshendi jospary men sharalaryn qarastyrý jón bolar edi», - dedi ol.
Esterińizge sala keteiik, jaqynda Qazaqstan Prezidenti Nursultan Nazarbaev Qazaqstan azamattaryn Siriiadan evakýatsiialaýǵa bailanysty málimdeme jasaǵan bolatyn. Memleket basshysy óz sózinde atap ótkendei, 6 qańtarda quqyq qorǵaý organdary men Syrtqy ister ministrligi júrgizgen gýmanitarlyq shara nátijesinde Siriiadan 47 azamatymyz, sonyń ishinde 30 bala elimizge qaitarylǵan.
.jpeg)