Búgin Úkimet otyrysynda QR Ulttyq ekonomika ministri Álibek Qýantyrov ortalyq jáne jergilikti atqarýshy organdar nazar aýdarýy tiis is-sharalardy atady, dep habarlaidy QazAqparat.
«7 ekonomikalyq kórsetkish boiynsha óńirler arasynda jalpy jaǵdai mynadai. Barlyq kórsetkish boiynsha oń ósim 6 óńirde – Aqmola, Almaty, Qyzylorda jáne Shyǵys Qazaqstan oblystarynda, sondai-aq Nur-Sultan jáne Shymkent qalalarynda baiqalǵan. 6 kórsetkish boiynsha 7 óńir oń ósim kórsetti. Olar – Atyraý, Jambyl, Qaraǵandy, Qostanai, Pavlodar jáne Soltústik Qazaqstan oblystary, sondai-aq Almaty qalasy», - dedi ministr.
Osy rette ol ortalyq jáne jergilikti atqarýshy organdar nazar aýdarýy tiis naqty is-sharalardy atady.
Atap aitqanda, salynyp jatqan nysandardy ýaqytyly paidalanýǵa berýdi baqylaýdy qamtamasyz ete otyra, qurylys jumystary maýsymyn tiimdi júrgizý qajet.
Áleýmettik mańyzy bar azyq-túlik taýarlary baǵasyn monitoringteý jáne tiisti qalypqa keltirý sharalaryn qabyldaýy tiis.
Eńbek naryǵyndaǵy turaqtylyqty qamtamasyz etý jáne turaqty jumys oryndaryn qurýdy ekpindi qadaǵalaý kerek.
Investitsiialardy belsendi tartý jáne investorlarmen núkteli jumys júrgizý, ár investitsiialyq jobadan keletin ekonomikalyq qaitarymdy barynsha ulǵaitý qajet. Eksporttyq mindettemelerdiń tolyq oryndalýyna járdemdesý jáne eksporttaýshylardy barlyq deńgeilerde qoldaý kerek.
«Joǵaryda atalǵan is-sharalardy tolyqtai iske asyrý elimizdi ekonomikasynyń ósýin jedeldetýge múmkindik beredi», - dedi Álibek Qýantyrov.
Aita keteiik, Úkimet otyrysynda Qazaqstan Respýblikasynyń 2022 jylǵy qańtar-mamyr ailaryndaǵy áleýmettik-ekonomikalyq damýynyń qorytyndysy jáne respýblikalyq biýdjettiń atqarylýy qaraldy.
