Qýańshylyqqa qarsy sharalarǵa 20 mlrd teńge bólinýi múmkin. Úkimet otyrysynda QR Aýyl sharýashylyǵy ministri Erbol Qarashókeev osyndai málimet berdi, dep habarlaidy QazAqparat.
«Sonymen qatar kóktemgi dala jáne egin jinaý jumystaryn qarjylandyrý kólemin qosymsha 70 mlrd teńgege ulǵaityp, biýdjettik kredit berýdiń jalpy kólemin 140 mlrd teńgege jetkizý máselesi pysyqtalýda.
Budan basqa, 200 myń tonna kóleminde jemdik astyq qoryn qalyptastyrý úshin forvardtyq satyp alýǵa 20 mlrd teńge bólý máselesi pysyqtalýda, ol 2021 jylǵy qurǵaqshylyq qaitalanǵan jaǵdaida, mal men qus basynyń saqtalýyn qamtamasyz etedi», - dedi ministr.
Aiýtynsha, biylǵy jalpy egis kólemi 23,1 mln gektarǵa jetip otyr. Bul 2021 jylmen salystyrǵanda 125 myń gektarǵa kóp.
«Tutastai alǵanda, kóktemgi dala jumystaryna daiyndyq máselesi josparly túrde júrip jatyr jáne ministrliktiń erekshe baqylaýynda», - dedi Erbol Qarashókeev.
