Qýandyq Bishimbaevtyń qamaý merzimi bir aiǵa uzartyldy, - dep habarlaidy kaz.tengrinews.kz Astana qalalyq sottyń baspasóz qyzmetine silteme jasap.
"Astananyń Almaty aýdandyq № 2 soty Qýandyq Bishimbaevtyń qamaý merzimin bir aiǵa - 2017 jyldyń 10 mamyryna deiin uzartty. Aýdandyq sottyń sheshimi 6 sáýirde qabyldandy", - dedi baspasóz qyzmetindegiler.
Eske salaiyq, Sybailas jemqorlyqqa qarsy is-qimyl ulttyq biýrosynyń ókilderi QR Ulttyq ekonomika ministrligin basqarǵan Qýandyq Bishimbaevtyń ustalǵanyn habarlaǵan bolatyn. "Bishimbaev top bolyp, aldyn ala kelisim jasaý arqyly asa iri kólemde birneshe ret para alyp otyrǵan. Zańsyz alǵan qarajatty Bishimbaev óz qajetine jaratqan", - dep habarlaǵan edi Antikorrýptsiia qyzmetiniń ókilderi.
8 aiǵa jýyq ministr bolǵan Bishimbaev Astana qalalyq IID-niń ýaqytsha tergeý ustaý izoliatoryna qamalǵan edi.
