Áielin uryp óltirdi dep aiyptalyp jatqan eks-ministr Qýandyq Bishimbaev sotynyń aldyn ala tyńdaýy bastaldy. Alaida jýrnalisterdi sot zalyna kirgizbei jatyr. Bul týraly "Ult aqparat" habarlaidy.
Jýrnalisterge 6-qabatqa shyǵyp, sol jerdegi ekrannan kórip otyrýǵa ruqsat bergen. BAQ ókilderi bul sheshimmen kelispei, zańǵa qaishy dep, sot zalyna kirgizýdi talap etip jatyr.
Aldyn-ala tyńdaýǵa kelgen jýrnalisterdiń qarasy óte kóp. Qazirgi ýaqytta marqum Saltanat Núkenova men Qýandyq Bishimbaevtyń týǵan-týystary men advokattary sot zalyna kirip bara jatyr.
"Ult aqparat" Saltanat Núkenovanyń týystarynan suhbat almaqshy boldy, alaida olar otyrystyń aiaqtalǵanyn kútýdi usyndy.
Burynǵy ministr Qýandyq Bishimbaev áielin uryp óltirdi degen kúdikke ilinip, 9 qarasha kúni ustalǵanyn eske salamyz. Qaiǵyly oqiǵa Bau meiramhanasynda boldy. 8 qańtar kúni Saltanat Núkenovanyń ólimine qatysty tergeý jumystary aiaqtalǵany habarlandy. 11 qańtarda elordalyq sotta onyń qamaýǵa alynýy 9 naýryzǵa deiin uzartylǵany týraly habarlandy.
