ەيەلٸن ۇرىپ ٶلتٸردٸ دەپ ايىپتالىپ جاتقان ەكس-مينيستر قۋاندىق بيشٸمباەۆ سوتىنىڭ الدىن الا تىڭداۋى باستالدى. الايدا جۋرناليستەردٸ سوت زالىنا كٸرگٸزبەي جاتىر. بۇل تۋرالى "ۇلت اقپارات" حابارلايدى.
جۋرناليستەرگە 6-قاباتقا شىعىپ, سول جەردەگٸ ەكراننان كٶرٸپ وتىرۋعا رۇقسات بەرگەن. باق ٶكٸلدەرٸ بۇل شەشٸممەن كەلٸسپەي, زاڭعا قايشى دەپ, سوت زالىنا كٸرگٸزۋدٸ تالاپ ەتٸپ جاتىر.
الدىن-الا تىڭداۋعا كەلگەن جۋرناليستەردٸڭ قاراسى ٶتە كٶپ. قازٸرگٸ ۋاقىتتا مارقۇم سالتانات نٷكەنوۆا مەن قۋاندىق بيشٸمباەۆتىڭ تۋعان-تۋىستارى مەن ادۆوكاتتارى سوت زالىنا كٸرٸپ بارا جاتىر.
"ۇلت اقپارات" سالتانات نٷكەنوۆانىڭ تۋىستارىنان سۇحبات الماقشى بولدى, الايدا ولار وتىرىستىڭ اياقتالعانىن كٷتۋدٸ ۇسىندى.
بۇرىنعى مينيستر قۋاندىق بيشٸمباەۆ ەيەلٸن ۇرىپ ٶلتٸردٸ دەگەن كٷدٸككە ٸلٸنٸپ, 9 قاراشا كٷنٸ ۇستالعانىن ەسكە سالامىز. قايعىلى وقيعا Bau مەيرامحاناسىندا بولدى. 8 قاڭتار كٷنٸ سالتانات نٷكەنوۆانىڭ ٶلٸمٸنە قاتىستى تەرگەۋ جۇمىستارى اياقتالعانى حابارلاندى. 11 قاڭتاردا ەلوردالىق سوتتا ونىڭ قاماۋعا الىنۋى 9 ناۋرىزعا دەيٸن ۇزارتىلعانى تۋرالى حابارلاندى.
