Foto: ©️ Tengrinews.kz / Turar Qazanǵapov
Kólik prokýrorlary «QTJ-Júk tasymaly» JShS-niń filialdarynda qarjylandyrýǵa jatpaityn 742 adamǵa 10 mln teńgeden astam somaǵa syiaqylar men tólemderdi zańsyz esepteý faktilerin anyqtady. Bul týraly Bas prokýratýranyń resmi ókili Darhan Dúisembai málimdedi, dep habarlaidy "Ult aqparat" vedomstvonyń baspasóz qyzmetine silteme jasap.
Onyń aitýynsha, kásiporynnyń Aqmola filialy ómirden jeti jyl buryn ótken zeinetker atyna aqshalai qarajat aýdaryp otyrǵan.
Budan bólek, Qaraǵandyda kadr bóliminiń basshysy ata-anasyn temirjolshy zeinetkeri retinde zańsyz tizimge qosyp, olarǵa bes jyl boiy 1 mln teńgeden astam somaǵa jeńildikter, ótemaqy tólemderi men syilyqaqylardy berip otyrǵan.
"Qazirgi kezde zańsyz tólemderdi qaitarý boiynsha sharalar qabyldanyp jatyr.
Sonymen qatar, aýditorlyq tekserýler taǵaiyndalyp, sotqa deiingi tergep-tekserý bastaldy" - delingen habarlamada.
