QR Investitsiialar jáne damý ministri Jeńis Qasymbek «Talgo» júrdek poiyzynyń kemshiligin joiýdy tapsyrdy, dep xabarlaidy QazAqparat tilshisi.
«Qańtar aiynda -40 gradýstyq qatty aiazdar boldy. Sol kezde «Talgo»-ǵa qatysty birqatar qiyndyqtar boldy. Atalǵan máseleni qalai sheshemiz?», - dedi J.Qasymbek ministrliktiń búgingi alqa májilisinde.
«Qazaqstan temir joly» ulttyq kompaniiasynyń prezidenti Qanat Alpysbaevtyń aitýynsha, Atalǵan máseleni ol jeke baqylaýda ustap otyr.
«Aýa temperatýrasy tómendegen kezde eki oqiǵa boldy. Ol kezde pnevmatikalyq baqylaý júiesi isten shyqqan bolatyn. Qazirgi kezde biz osy máseleni óndirýshi kompaniiamen birge pysyqtap jatyrmyz. Árine, aldaǵy ýaqytta ondaiǵa jol bermeýge tyrysamyz», - dep atap kórsetti Q.Alpysbaev.
Aita keteiik, aǵymdaǵy jyly 4 qańtarda Astana-Leninogorsk baǵytyndaǵy №375 poezdan texnikalyq aqaýlyq shyǵyp, «Talgo» vagondarynda aýa temperatýrasy kúrt tómendep ketken edi. Sonyń saldarynan 228 jolaýshyny basqa poezǵa aýystyrýǵa týra keldi. Talgonyń ornyna kýpe-vagondary bar №153 Semei-Astana poezy jolǵa shyǵarylǵan bolatyn.
