Búgin «Qazaqstan temir joly» UK» AQ bastamasymen biylǵy astyqty jáne kúzgi jiyn-terin jumystaryna qajetti munai ónimderin tasymaldaý máselesine qatysty jiyn ótti. Oǵan Aýyl sharýashylyǵy ministrliginiń, «Azyq-túlik korporatsiiasy» UQ» AQ, «Astyqtrans» AQ ókilderi, treiderler, kólik jáne ekspeditorlyq kompaniia basshylary qatysty, dep habarlaidy atalǵan kompaniianyń resmi saity.
Júzdesý barysynda jańa shabylǵan bidaidy tókpei-shashpai tasymaldaý úshin júkti tieý-túsirý jáne kólik qozǵalysy reglamentin saqtaý qajettigine basa mán berildi. Ol úshin júkti jóneltýshilerge kirip-shyǵatyn joldaryn jóndeýge, al, elovatorlarda astyq tieý jabdyqtaryn erterek sailap, demalys jáne mereke kúnderdegi jumys kestesin bekitý kelisildi. Sonymen qatar qarbalas kezeńde kólikti tiimdi paidalaný úshin júk jóneltýshiler astyq pen untaqtalǵan ónimdi tasymaldaýdy naqty josparlap alǵany jón.
«Vagondar legi retimen paidalanylǵan jaǵdaida jańa egindi parktegi qolda bar kólikpen tasýǵa bolady. Lokomotiv manevrlerine keletin bolsa, Aqmola jáne Qostanai oblysyndaǵy jol bólikterinde problema joq. Dei turǵanmen, qarbalas kezeńde lokomotivke degen suranys artady. Osynyń bárin eskere otyr, «QTJ» KI» lokomotiv parkterin tolyqtyr úshin birqatar is-sharalardy qolǵy aldy», dep atap ótti «QTJ» UK» AQ Basqarma Tóraǵasynyń orynbasary mindetin atqarýshy Oralhan Qulaq.
Qazaqstan parkinde 9,3 myń dana tasymal quraly bar. Onyń 6,2 myńy astyqtyń 56% tasymaldaýdy júzege asyratyn «AstyqTrans» AQ ieliginde. Jalpy astyq tasymaldaý kóligi 7% kóbeidi. Otandyq jabyq vagondar parkinde 13 myń dana bolsa, onyń 8 myńy «Qaztemirtrans» AQ menshigi, shamamen 5 myńdaiy jekede.
Másálelerdi shuǵyl túrde sheshý úshin QTJ apparatynda astyq tasymaldaý shtaby quryldy, negizgi astyq tieitin jol bólikterinde shuǵyl top kúndiz-túni jumys isteidi.
2021 jyldyń alty aiynda temir jol arqyly 4,7 mln tonna astyq tasylǵan, bul ótken jylmen salystyrǵanda 12% joǵary. Ol kezde 1,1 mln tonna untaqty ónim tasymaldanǵan. Astyq eksporty 19% kóbeiip, 3,5 mln tonnaǵa jetti.
Astyq Ortalyq Aziia elderi, Iran, Resei jne ózge de memleketterge jóneltiledi.
