QR Bilim jáne ǵylym ministrligi «Bilim-innovatsiia litseileriniń» tolyqtai qazaqstandyq bilim berý mekemeleri ekendigi týraly, sondai-aq olardyń óz qyzmetin qalyptasqan jaǵdaida jalǵastyratyny týraly resmi málimdeidi, dep habarlaidy "Ult aqparat" QR BǴM baspasóz qyzmetine silteme jasap.
Túrik Respýblikasynyń Qazaqstandaǵy Tótenshe jáne Ókiletti Elshisi Nevzat Ýianyktyń 2 naýryz kúni qazaq-túrik litseileriniń (QTL) Túrkiianyń bilim ministrligi basqarýyna ótetindigi týraly aitqan bolatyn. QR Bilim jáne ǵylym ministrligi mundai sharanyń bolý yqtimaldyǵynyń ózin resmi túrde joqqa shyǵaratyny týraly málimdeidi. QTL «Bilim-innovatsiia litseileri» bolyp qaita qurylyp, qazaqstandyq bilim berý standarttary boiynsha jumys isteidi.
QR Bilim jáne ǵylym ministrligi men QR Syrtqy ister ministrligi osy másele boiynsha birigip málimdeme jasaidy. Oǵan deiin QR Bilim jáne ǵylym ministrligi qazaqstandyqtardy Túrkiia elshisiniń jasaǵan málimdemesi boiynsha alańdamaýlaryn suraidy. «Bilim-innovatsiia litseileri» jumysynyń ádettegi tártibi ózgerissiz qalady.
«Bilim-innovatsiia litseileri» – jurtshylyq arasynda joǵary bedel men qurmetke ie bolyp otyrǵan bilim berý mekemesi. Qazaq-túrik litseileriniń bári 2016 jyly «Bilim-innovatsiia litseileri» bolyp qaita qurylǵan.
