Ońtústik Qazaqstanda Tuńǵysh Prezidenti kúniniń qurmetine ótkizilgen saltanatty jiynda QR Memlekettik Ánurany oryndalǵan eken. Osy jiynda «KTK» arnasynyń Ońtústik Qazaqstandaǵy tilshisi Marina Nizovkina men “Liter” gazetiniń qyzmetkeri Irina Abramovanyń kórsetken “qylyqtary” áleýmettik jelidegi qaýymnyń ashýyn týdyryp jatyr. Bul týraly jeli qoldanýshysy Áset Ássandi jazdy.
Qazaqstannyń zańyna pysqyrǵanym bar dep turǵandai.
«KTK» arnasynyń Ońtústik Qazaqstandaǵy tilshisi Marina Nizovkina men “Iýjnyi Kazahstan” gazetiniń qyzmetkeri Irina Abramovanyń myna “qylyqtaryna” qarap, kádimgidei ashýlanady ekensiń.
Ánuranymyzdy mensinbei, melshiip turǵandary «asyńdy iship, aiaǵyńdy tebeiin» degenge keletindei. Nege olai istedi? Menińshe, shovinistik piǵylmen ádeii istep tur. Bilmei qaldy deitindei de emes. Ekeýi de bildei BAQ-nyń ókilderi. Mundai jiynǵa da birinshi ret kelmegeni anyq. Erejege sai, jurtpen birge qoldaryn keýdesine qoisa, júrekteri toqtap qalar ma edi? Búite berse, el arasynda ultarazdyqty týdyrmasyna kim kepil? Bular úshin basqa zań jazylǵan ba, álde?
Búgin – ekeýine, erteń taǵy birnesheýine osylai istetip qoiyp, basyndyra bermei, arnaiy oryndar qadaǵalasa eken, – dep jazady Nurbol Orymbai.
ZAŃ BYLAI DEIDI.
Qazaqstan Respýblikasynyń memlekettik rámizderi týraly zańy
9-bap. Qazaqstan Respýblikasynyń Memlekettik Gimnin oryndaý tártibi
1. Memlekettik Gimn kópshilik aldynda oryndalǵan kezde qatysýshylar ony ornynan turyp aitady (tyńdaidy), bul rette Qazaqstan Respýblikasynyń azamattary oń qolyn júrek tusyna qoiady.
Video: Áset Ássandi
