Osy jeksenbide 11 millionnan astam qazaqstandyq sailaý ýchaskelerine kelip, Qazaqstan Konstitýtsiiasyna engizilgen ózgeristerdi qoldap nemese qarsy daýys bere alady, dep habarlaidy ktk.kz saity.
«KTK» dástúrli túrde sailaý protsesine jáne daýys berýdi obektivti túrde kórsetýge erekshe kóńil bóledi. Aldaǵy referendýmda telearna «Demokratiia institýty» qaýymdastyǵy bastamasymen júrgizetin exit-poll – sailaý ýchaskelerinen shyǵý kezinde saýalnama júrgizýge aqparattyq qoldaý kórsetedi.
«Demokratiia institýty» 1995 jyly qurylǵan. Kompaniia áleýmettik damýdyń ózekti máseleleri boiynsha sotsiologiialyq zertteý júrgizýge mamandanǵan. Qazaqstanda keń aýqymdy interviýerler jelisine ie, aqparatty jinaý men óńdeýdiń zamanaýi ádisterin qoldanady. Ol akademiialyq institýttarmen, kommertsiialyq qurylymdarmen, qoǵamdyq jáne saiasi birlestiktermen, memlekettik organdarmen tyǵyz yntymaqtastyqta. Qaýymdastyqtyń qyzmetine elektoraldy zertteý men ekzitpol kiredi» - delingen habarlamada.
Saýalnama nátijesin eń birinshi bolyp KTK kórermenderi kóredi. Qorytyndy 6 maýsym kúni saǵat 00.15-da jańalyqtarda tikelei efirde kórsetilip, áleýmettik jelilerdegi paraqshalarǵa jariialanady.
