Búgin «Ksell» AQ men V dúniejúzilik kóshpendiler oiyndaryn daiyndaý jáne ótkizý jónindegi Direktsiia arasynda memorandýmǵa qol qoiylyp, «Ksell» kompaniiasy V Dúniejúzilik kóshpendiler oiyndarynyń resmi bailanys operatory atandy.
Búginde «Ksell» kompaniiasy saiys ótetin sport nysandarynda bailanys qurylǵylary men qosymsha bazalyq stantsiialary ornatylyp jatyr.
«Biz, ulttyq bailanys operatory retinde, bul oiyndardyń Qazaqstanǵa qanshalyqty mańyzdy ekenin tereń túsinemiz. Sondyqtan osy halyqaralyq sharany minsiz uiymdastyrýǵa úles qosýdy uiǵardyq. Onyń ishinde sheteldik qonaqtar men sportshylardy jyldam internet pen sapaly bailanyspen qamtamasyz etý –óte mańyzdy mindet. Sol úshin bizdiń mamandar jarys ótetin barlyq sport nysandarynda tiisti jumystardy atqaryp jatyr, -deidi «Ksell» kompaniiasynyń basqarma tóraǵasy Asqar Jambakin.
Sonymen qatar Asqar Jambakin Dúniejúzilik kóshpendiler oiyny túrki halyqtaryn biriktirýdiń ideologiialyq negizi ekenin aitty.
«Bul ulttyq ereksheligimizdi aishyqtaityn dástúrlerdiń jandanýy. Neonomadikalyq filosofiiany damytý strategiiamyzdyń bir bóligi retinde biz bul jobany qoldaýdy mańyzdy komponent dep sanaimyz jáne barlyq qatysýshylar men uiymdastyrýshylardy senimdi bailanyspen qamtamasyz etemiz», -dep atap ótti Asqar Jambakin óz sózinde.
V dúniejúzilik kóshpendiler oiyndaryn daiyndaý jáne ótkizý jónindegi Direktsiia basshysy Nail Nurov óz sózinde «Ksell» kompaniiasyna ótkizilip otyrǵan Túrki halyqtarynyń basyn qosatyn úlken sharaǵa eleýli úles qosyp jatqany úshin qýanyshyn bildirdi.
«Búgin biz taǵy bir mańyzdy qadam jasap jatyrmyz: Kcell kompaniiasymen kelisimge qol qoiý. Nelikten biz ony maqtan tutamyz? Óitkeni biz basynan bastap seriktesterimiz, demeýshilerimiz jobamyzǵa salmaq pen beriktik beretin kompaniialar ekenin anyqtadyq. Búgin biz osy parametrlerge tolyq sáikes keletin Kcell kompaniiasy týraly aityp otyrmyz. Biz bul kompaniiaǵa qosqan eleýli úlesi úshin óte rizamyz», - dedi N. Nurov.
«Ksell» kompaniiasynyń tehnikalyq jasaǵy «Astana-Arena» stadiony, «Qazanat» atshabary jáne J.Úshkempirov atyndaǵy jekpe-jek saraiy, «Alaý» muzaidyny, «Qazaqstan» jeńil atletika kesheni, QR Ulttyq mýzeii, «Dýman» oiyn-saýyq kesheni aýmaǵyna qosymsha 4G jáne 5G bazalyq stantsiialary men telekomýnikatsiialyq jabdyqtaryn ornatýǵa kiristi. Bul sheteldik qonaqtar men qatysýshylarǵa óz týǵan-týystarymen esh kedergisiz beinebailanysqa shyǵyp, áleýmettik jelilerge foto, video materialdardy jedel júkteýge, taratýǵa, barlyq tsifrlyq servisterdi úzdiksiz paidalanýǵa múmkindik beredi.
«Ksell» dúbirli doda ótetin osy nysandardaǵy bailanys jelilerin jetildirip qana qoimai, kóshpendiler oiyndaryna qatysatyn ár sportshyǵa, eriktilerge, sondai-aq uiymdastyrý komitetiniń ár múshesine 5G interneti men bailanysy bar sim-kartalardy tegin taratady. Budan bólek, kompaniia sport keshenderinde Wi-Fi-signalyn taratatyn arnaiy 5G-roýterlaryn ornatpaq. Sondai-aq, taqyryptyq SMS-habarlamalar joldaýdy josparlap otyr.
Eske sala keteiik, V Dúniejúzilik kóshpendiler oiyndary Astana qalasynda 8-13 qyrkúiek aralyǵynda ótedi.
